چترال (نما یندہ چترال میل) ایک سال پہلے دیر کوہستان سے پسند کی شادی کرنے والے نوجوان کی لاش شالی گول کے قریب سڑک کے کنارے ملی ہے۔ جبکہ بیوی پُر اسرار طور پر لا پتہ ہے۔ تفصیلات کے مطابق ایک سال پہلے گرم چشمہ کے مقام ایژ سے تعلق رکھنے والے نوجوان وقار احمد عرف شہنشاہ نے دیر کوہستان کی لڑکی سے پسند کی شادی کی۔ اور اپنے گھر ایژ گرم چشمہ لے آیا۔ کچھ عرصہ پہلے سوات سے تعلق رکھنے والے ایک شخص اپنی فیملی کے ساتھ گرم چشمہ میں رہائی اختیار کی۔ جس کے ساتھ شہنشاہ اور اُس کی فیملی کے تعلقات بہت گہرے ہوئے۔ دونوں فیملیوں کا ایک دوسرے کے ہاں آنا جانا تھا۔ گذشتہ روز شہنشاہ کی حاملہ بیوی کو چترال شہر کے ہسپتال میں چیک اپ کرنے کیلئے ٹو ڈی کار میں دونوں فیملی کے افراد گرم چشمہ سے سے نکلے۔ لیکن شام کو واپس گھر نہیں آئے۔ جس پر موبائل پر اُن سے رابطہ کرنے کی کوشش کی گئی۔ تاہم موبائل بند ہونے کی وجہ سے کسی سے بھی رابطہ نہیں ہو سکا۔ ذرائع کے مطابق رات کو شہنشاہ شالی گول کے قریب سڑک کے قریب مردہ حالت میں پایا گیا۔ جس کی لاش کو پوسٹ مارٹم کیلئے ڈی ایچ کیو ہسپتال چترال پہنچا دیا گیا ہے۔ جبکہ اُس کی بیوی سمیت سوات سے تعلق رکھنے والے اُس خاندان کے بارے میں کوئی معلومات تا حال دستیاب نہیں ہیں۔ اس حوالے سے متضاد خدشات ظاہر کئے جارہے ہیں۔ کہ دوست نما دُشمن نے پسند کی شادی پر اُجرتی قاتل کا کردار ادا کیا ہے۔ یا پسند کی شادی کا بدلہ لینے کیلئے لڑکی کے رشتے داروں نے یہ واردات کی ہے۔ تاہم لڑکی اور سوات کے خاندان کی پُر اسرار طور پر لا پتہ ہونا ایک معمہ بنی ہوئی ہے۔ اور اس نے چترال کے اندر پولیس کی کارکردگی پر بھی سوالیہ نشان اُٹھایاہے۔ اس قسم کا ایک واقعہ پہلے بھی چترال میں ہوا تھا۔ جس میں گرم چشمہ کی ایک خاتون کو راتوں رات کئی چیک پوسٹ عبور کرتے ہوئے کالا ڈھاکہ پہنچا دیا گیا تھا۔ جس میں خاتون کی رہائی تقریبا ایک سال بعد ممکن ہوئی تھی۔
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا