پشاور (نمائندہ چترال میل)خیبر پختونخوا بورڈ آف ٹیکنیکل ایجوکیشن کے زیر اہتمام ڈی کام/ڈی بی اے کے سالانہ امتحانات 2017میں نمایاں پوزیشن حاصل کرنے والے طلباء میں میرٹ سرٹیفیکیٹ اور نقد انعامات دینے کیلئے ایک پروقارتقریب 22جون بروز جمعرات شام6بجے شیراز ان یونیورسٹی روڈ پشاور میں منعقد کی جا رہی ہے۔وزیر اعلیٰ خیبر پختونخوا کے معاون خصوصی برائے فنی تعلیم ارشد خان عمر زئی اس تقریب کے مہمان خصوصی ہوں گے۔ تقریب میں فرح حامد خان سیکرٹری صنعت،تجارت و فنی تعلیم خیبر پختونخوا،چیئرمین فنی تعلیمی بورڈ،بورڈ آف گورنرز کے ممبران اور دیگر اعلیٰ حکام کے علاوہ طلباء،ان کے والدین اور اساتذہ شرکت کریں گے۔مذکورہ بالا نتائج فنی تعلیمی بورڈ کی ویب سائٹ www.kpbte.edu.pk پر برو ز جمعرات رات9بجے بھی دیکھے جا سکتے ہیں۔اس امر کا اعلان کنٹرولر امتحانات فنی تعلیمی بورڈ خیبر پختونخواپشاور محمد اسماعیل خٹک نے کیا۔