پشاور (نمائندہ چترال میل)محکمہ خزانہ حکومت خیبر پختونخوا نے اعلان کیا ہے کہ اکاؤنٹنٹ جنرل خیبر پختونخوا/ڈسٹرکٹ/ایجنسی اکاؤنٹس دفاتر کی جانب سے چیکس کے اجراء کے لئے آخری تاریخ جو پہلے27جون2017مقرر کی گئی تھی اب27جون کیبجائے29جون2017مقرر کی دی گئی ہے جبکہ دیگر تمام شرائط پہلے جاری کردہ شرائط کے مطابق ہوں گی۔ اس سلسلے میں مزید ہدایت کی گئی ہے کہ تمام چیک 30جون2017تک موثر ہوں گے جن کی تاریخ میں توسیع اگلے مالی سال2017-18کے دوران نہیں کی جائے گی۔اس امر کا اعلان محکمہ خزانہ خیبر پختونخوا کی جانب سے تمام متعلقہ محکموں اور اداروں کے نام جاری کئے گئے ایک مراسلے میں کیا گیا۔