چترال (نما یندہ چترال میل) ڈپٹی کمانڈنٹ ایلیٹ فورس خیبر پختونخوا آصف اقبال نے کہا ہے کہ صوبے میں دہشت گردی کے خلاف جنگ میں ایلیٹ فورس نے اپنی انتہائی حساس او ر مشکل ترین کردار کو کامیابی سے نبھاکر سرخروئی حاصل کی ہے اور حالت امن میں بھی اس کی ڈیوٹی کی نوعیت منفر د اور اہم ہونے کی وجہ سے اس کاہر جوان کسی بھی مشکل مہم کے لئے ہردم مستعد اور تیاررہتا ہے۔ اتوار کے روز لویر چترال کے پولیس لائنز میں ایلیٹ فورس کے افسران اورجوانوں کی دربار سے خطاب کرتے ہوئے انہوں نے اس بات پر زور دیا کہ وہ اپنی پیشہ ورانہ مہارت میں اضافہ کرنے کے لئے مسلسل کوشش کرنے کے ساتھ ڈسپلن کی پابندی میں بھی اپنے آپ کا لوہا منوائیں تاکہ وہ ہر محاذ اور ٹاسک میں سرخرو ہوسکیں۔ انہوں نے کہاکہ اس فورس میں ڈسپلن کی خلاف ورزی اور سستی کاہلی کی کوئی گنجائش نہیں ہے جبکہ ایس او پیز کی پابندی بھی ناگزیر ہے کیونکہ ایلیٹ فورس کا ہر جوان اس فورس، معاشرہ اور اپنی فیملی کا قیمتی سرمایہ ہے۔ ڈپٹی کمانڈنٹ نے اس عزم کا اظہار کیاکہ چترال کی سطح پر ایلیٹ فورس کو درپیش مسائل حل کئے جائیں گے جن میں گاڑی کی فراہمی، دفتری سازوسامان کی کمی کا پورا کرنا اور مختلف پلاٹونوں میں نفریوں کی تعداد کو متوازن بنانا شامل ہیں۔ اس موقع پر ایس پی انوسٹی گیشن محمد خالد، ڈی ایس پی ہیڈ کوارٹرز اقبال کریم، ایس ڈی پی او شیر وزیر خان، ایلیٹ فورس کے انچارج بلبل حسن اور دوسرے افسران موجود تھے۔ ڈپٹی کمانڈنٹ نے دربار میں موجود جوانوں اور فسران کی طرف سے پیش کئے گئے انفرادی درخواستوں پر موقع پر ہی احکامات جاری کردئیے۔ ڈپٹی کمانڈنٹ جب پولیس لائنز پہنچے تو پولیس کا ایک چاق وچوبند دستے نے ان کو سلامی دی جبکہ بعدازاں انہوں نے یادگار شہداء پر پھولوں کا چادر چڑہادیا۔ ایس پی انوسٹی گیشن نے انہیں جوانوں اور افسران کی طرف سے چترال کا روایتی تخفہ چغہ اور چترالی ٹوپی پیش کی۔
تازہ ترین
- ہوماسلام آباد میں دھرنا میں شرکت کے لئے جماعت اسلامی لویر چترال کا قافلہ مولانا جمشید احمد کی قیادت میں چترال شہر سے روانہ
- ہومپی ٹی آئی کے رہنماؤں نے بانی پی ٹی آئی عمران خان کو فوری طور پر رہا کرنے کا مطالبہ ، چترال میں احتجاجی جلسہ
- ہوم۔ اپر چترال میں درجہ حرارت میں اضافے کے نتیجے میں مختلف مقامات پر گلیشئیرز کے پگھلنے کا عمل جاری ہے جس سے دریائے چترال میں اونچے درجے کا سیلاب
- ہومچترال میں مون سون کی شجرکاری مہم کا باقاعدہ آغاز، ڈی پی او آفس میں تقریب، کمیونٹی میں مفت پودے تقسیم کئے گئے
- ہومڈسٹرکٹ پولیس آفیسر لوئر چترال افتخار شاہ نے ڈسٹرکٹ ہیڈکوارٹر ہسپتال چترال جاکر مایہ ناز پولو پلئیر شجائالحق کی عیادت کی.
- مضامیندادبیداد۔۔انٹر نیٹ ما فیا۔۔ڈاکٹر عنا یت اللہ فیضی
- ہوماپر چترال کے علاقہ میراگرام نمبر 1 میں ایک شادی شدہ خاتون نے اپنے کمرے میں گلے میں دوپٹہ ڈال کرخودکشئ کر لی
- مضامینداد بیداد۔۔فلسفی اور قانون دان۔۔ڈاکٹر عنا یت اللہ فیضی
- مضامیندھڑکنوں کی زبان۔۔۔۔محمد جاوید حیات۔۔۔۔خاک میں کیا صورتیں۔۔۔
- ہومچترال کے معروف سماجی شخصیت عظمت عیسی سابق پبلک پراسیکیوٹر انتقال کر گئے