چترال (نما یندہ چترال میل) کنٹریکٹرز ایسوسی ایشن پاکستان لویر چترال کے انتخابات میں حق پرست گروپ بلامقابلہ کامیاب ہوگئی جس کے حق میں شاہین گروپ دستبردار ہوگئی۔ حق پرست گروپ میں سعید الدین المعروف ڈپٹی (صدر) ، صدیق احمد سینئر نائب صدر، سبحان الدین نائب صدر، جاوید اختر جنرل سیکرٹری، فضل ہادی فنانس سیکرٹری، تاج رسول انفارمیشن سیکرٹری، علی نواز ڈپٹی سیکرٹری، سرفراز جائنٹ سیکرٹری اور آفس سیکرٹری سیف الرحمن شامل ہیں۔ اس سے قبل دونوں گروپوں نے متفقہ طور پر الیکشن منعقد کرنے کی ذمہ داری چترال پریس کلب کے حوالے کی تھی جبکہ کاغذات نامزدگی جمع کرنے کی آخری دن شاہین گروپ کے صدر شفیق الرحمن نے ٹھیکہ داربرادری کے بہترین مفاد میں کاغذات جمع نہ کرکے اپنی دستبرداری کا اعلان کردیا۔ا س موقع پر دونوں گروپوں کے رہنماؤں نے ایک مشترکہ پریس کانفرنس سے خطاب کرتے ہوئے کہاکہ ٹھیکہ دار برادری کو درپیش مشکلات ومسائل کے تناظر میں انتخابی سیاست سے ان کے مسائل میں مزید اضافہ ہونے کا خطرہ تھا اور اس وقت ٹھیکہ دار برادری میں مثالی اتحادو اتفاق کی اشد ضرورت ہے۔ نومنتخب صدر سید الدین المعروف ڈپٹی نے کہاکہ ٹھیکہ دار برادری کا تعلق ترقیاتی کاموں سے ہے اور ان کے مسائل حل ہونے کا براہ راست اثر علاقے کی ترقی پر پڑے گا اور اس وقت مختلف صورتوں میں اس برادری کے مسائل میں روز بروز اضافہ ہوتا جارہاہے جن میں غیرقانونی ٹیکسوں کانفاذ، رجسٹریشن کے عمل میں غیر ضروری رکاوٹیں، کورونا کے وبا ء کے وجہ سے پید ا شدہ پیچیدگیاں اور دوسرے شامل ہیں۔ انہوں نے اس عزم کا اظہا ر کیاکہ تمام ٹھیکہ دار برادری کو ساتھ لے کر کام کرنے اور ترقیاتی کاموں کو معیار کے مطابق مکمل کرنے کی بھر پور کوشش کریں گے۔ انہوں نے اپنے حق میں دستبردار ہونے پر شاہین گروپ کے صدر اور ان کے سپورٹرز کا بھی شکریہ ادا کرتے ہوئے کہاکہ ان کے توقعات پر پورا اتر نے کی بھرپور کوشش کی جائے گی۔ اس موقع پر شاہین گروپ کے صدر شفیق الرحمن نے کہاکہ اس وقت ٹھیکہ دار برادری میں کوئی دراڑ یا نا اتفاقی کی کوئی گنجائش نہیں تھی اس لئے دستربردار ہونے کا فیصلہ کیا تاکہ مشترکہ مفادات کو مکمل طورپر تحفظ مل سکے۔ اس موقع پر حق پرست گروپ کے مغل باز خان اور دوسرے رہنماؤں جاوید اختر، صدیق احمد ایوبی اور دوسروں نے نومنتخب عہدیداروں کو مبارک باد پیش کیا اور شفاف انداز میں الیکشن کے انتظامات کرنے پر چترال پریس کلب کے صدر ظہیر الدین اور ان کے رفقاء کا شکریہ ادا کیا۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ