چترال (نما یندہ چترال میل ) سینگور گاؤں میں عباداللہ نامی شخص کا نو کمروں پر مشتمل گھر گزشتہ روز جل کر خاکستر ہوگیا اور کوئی معمولی سازوسامان بھی نہیں بچایا جاسکا۔ آتشزدگی کی وجہ گیس سیلنڈر کی لیکج بتائی جاتی ہے جوکہ اناً فاناً پورے گھر کو اپنے شعلوں میں لپیٹ لیا اور ریسکیو 1122سمیت دوسرے آگ بجھانے والے اداروں کی فائر بریگیڈ کی آمد سے پہلے پہلے جلا کر خاک کردیا۔ تاہم انہوں نے موقع پر پہنچ کر آگ کو اس گنجان آباد محلے میں دوسرے گھروں میں پہنچنے سے پہلے بجھانے میں کامیاب ہوگئے۔ علاقے کے مکینوں نے بتایاکہ انتہائی کم آمدنی والے متاثرہ شخص اپنی فیملی کے ساتھ اس ٹھہٹرتی سردی میں آسمان تلے رہ گیا ہے۔