چترال (محکم الدین) ڈائریکٹریٹ آف سپورٹس خیبر پختونخوا کے زیر انتظام انڈر 21گیمز گورنمنٹ سنٹنیل ماڈل ہائی سکول چترال کے سٹیڈیم میں منعقد ہوئے۔ اختتامی تقریب کے مہمان خصوصی کمانڈنٹ چترال سکاءوٹس کرنل محمد علی ظفر اور صدر محفل ڈپٹی کمشنر چترال نوید احمد تھے۔ اسسٹنٹ کمشنر چترال عبدالولی خان، ڈسٹرکٹ سپورٹس آفیسر چترال عبدالرحمت بھی موجود تھے۔ یہ مقابلے انٹر تحصیل سطح پر منعقد ہوئے۔ جس میں فٹبال، والی بال، بیڈ منٹن اتھلیٹکس، رسہ کشی، کبڈی شامل تھے اپر چترال کے تحصیل تورکہو موڑکہو کا مقابلہ مستوج کے ساتھ ہوا۔ جس میں فٹبال اور دوڑ میں تورکہو موڑکہو نے کامیابی حاصل کی۔ جبکہ والی بال، بیڈ منٹن، رسہ کشی اور کبڈی مقابلے میں کامیابی مستوج کے حصے میں آئے۔ اسی طرح لوئر چترال میں تحصیل چترال کا مقابلہ تحصیل دروش سے ہوا۔ جس میں دروش کو صرف کبڈی میں کامیابی ملی۔ جبکہ فٹبال، والی بال، بیڈ منٹن، رسہ کشی اور دوڑ کے مقابلے تحصیل چترال نے جیت لئے۔ کبڈی کو چترال میں بطور گیم پہلی مرتبہ متعارف کیا گیا۔ کامیاب ٹیموں کو بیس بیس ہزار اور رنر اپ ٹیموں کو دس دس ہزار روپے انعام دیے گئے۔ اسی طرح کھلاڑیوں کو یومیہ ٹی اے کے طور ایک ایک ہزار روپے دیے گئے۔ کمانڈنٹ چترال سکاءوٹس کرنل محمد علی ظفر اور ڈپٹی کمشنر چترال نے کھلاڑیوں میں انعامات تقسیم کئے۔ اس موقع پر کمانڈنٹ چترال سکاءوٹس نے خطاب کرتے ہوئے کہا۔ کہ چترال کے جوانوں میں تعلیم کے ساتھ ساتھ کھیلوں کی بے پناہ صلاحیتیں موجود ہیں۔ ان کو صرف مواقع اور رہنمائی کی ضرورت ہے۔ انٹر تحصیل کھیلوں کے انعقاد سے ان کی صلاحیتوں کو نکھارنے کے مزید مواقع ملیں گے۔ اور با صلاحیت کھلاڑیوں کے انتخاب میں مدد ملے گی۔ مستقبل میں یہاں کے کھلاڑی چترال اور ملک کا نام روشن کرنے کے قابل ہوں گے۔ انہوں نے کہا۔ کہ صحت مند تفریح اچھے کھلاڑی اور اچھے شہری بننے میں مدد گار ثابت ہوتے ہیں۔ انہوں نے کامیاب ٹیموں کو مبارکباد دی اور رنر اپ ٹیموں کو اپنی کارکردگی بہتر بنانے کی ہدایت کی۔ قبل ازین جمعرات کے دن اسسٹنٹ کمشنر چترال عبدالولی خان نے فیتہ کاٹ کر انڈر 21 انٹر تحصیل کھیلوں کا افتتاح کیا۔ جس کے بعد مختلف تحصیلوں کے کھلاڑیوں نے وردی میں مارچ پاسٹ کیا۔ اور قومی ترانہ پیش کیا۔ کھیل کے دوران شہنائی اور ڈھول کے فنکاروں نے اپنے فن کا مظاہرہ کیا۔ جس سے کھیل کی رنگینیوں میں اضافہ ہوا۔ ڈسٹرکٹ سپورٹس آفیسر عبدالرحمت نے میڈیا کو بتایا۔ کہ کھیل میں حصہ لینے والے تمام کھلاڑیوں میں کٹ تقسیم کئے گئے ہیں۔ جن میں جوگرز، جراب اور شرٹ شامل ہیں۔ انہوں نے کہا۔ کہ کھلاڑیوں کو سہولت دینے کی ہر ممکن کو شش کی گئی ہے۔ تاہم اپر چترال میں شدید سردی اور بعض مقامات پر برفباری کے سبب کھیلوں کا انعقاد ممکن نہ ہو سکا۔ اس لئے اُن کو بھی لوئر چترال بلایا گیا۔ جہاں انہوں نے آج مقابلوں میں حصہ لیا۔
تازہ ترین
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور