چترال (محکم الدین) ایون اینڈ ویلیز ڈویلپمنٹ پروگرام (اے وی ڈی پی) کے بورڈ آف ڈائریکٹرز نے کالاش نوجوان رہنما وزیر زادہ کو اقلیتی مخصوص نشست پر ایم پی اے منتخب کرنے پر وزیر اعظم پاکستان عمران خان کا شکریہ ادا کیا ہے۔ اور کہا ہے کہ پہلی مرتبہ کسی کالاش نوجوان کا اسمبلی پہنچنا ہی بہت بڑی تبدیلی کی عکا س ہے۔ گذشتہ روز چیرمین اے وی ڈی پی رحمت الہی کی زیر صدارت بورڈ کے اجلاس میں جملہ ممبران نے شرکت کی۔ اور انہوں نے اے وی ڈی پی کے سابق منیجر وزیر زادہ کالاش کی بطور اقلیتی رکن اسمبلی خیبر پختونخوا انتخاب پر انتہائی خوشی کا اظہار کیا۔ اجلاس میں پی پی آر پراجیکٹ کے تحت ایون، رمبور، بمبوریت، بریر میں ترقیاتی منصوبوں کا جائزہ لیا گیا۔ اور یہ فیصلہ کیا گیا۔ کہ ان منصوبوں کی بورڈ کے ممبران فیزیکل وزٹ کریں گے۔ اور 19ستمبر کو بورڈ کے جملہ ممبران ان منصوبوں کی وزٹ کیلئے رمبور اور بمبوریت جائیں گے۔ اجلاس میں ایک متفقہ قرارداد منظور کی گئی۔ جس میں سابق وزیر اعظم نواز شریف کا شکریہ ادا کیا گیا۔ کہ انہوں نے کالاش ویلیز کے لوگوں کی سفری مشکلات اور علاقے کی سیاحتی اہمیت کے پیش نظر سڑکوں کی تعمیر کی منظوری دی۔اور یہ روڈ سروے، اینوائرنمنٹل اسسٹمنٹ اور ٹینڈر تک ہو چکے ہیں۔ لیکن الیکشن کی وجہ سے کام رکا ہوا ہے۔ انہوں نے نومنتخب پاکستان تحریک انصاف کی حکومت سے اپیل کی۔ کہ کالاش ویلیز روڈ کی تعمیر کاکام ایمرجنسی بنیادوں پر شروع کیا جائے۔ تاکہ سڑک کی تعمیر سے سیاحت کو فروغ ملے اور علاقے میں روزگار کے مواقع مل سکیں۔ اجلاس میں متفقہ طور پر وزیر اعظم پاکستان عمران خان اور وزیر اعلی خیبر پختونخوا محمود خان سے پُر زور مطالبہ کیا گیا۔ کہ چترال سے تعلق رکھنے والے اقلیتی رکن اسمبلی خیبر پختونخوا وزیر زادہ کو صوبائی کابینہ میں شامل کرکے مزید احسان کیا جائے۔ اجلاس میں سابق منیجر وزیر زادہ کی اے وی ڈی پی کیلئے خدمات کو سراہا گیا۔ اور اس امر اظہار کیا گیا۔ کہ اُن میں پبلک ڈیلنگ کی بے مثال خوبیاں موجود تھیں۔ جس کی وجہ سے مشکل سے مشکل مسئلے کا وہ اداراتی طور پر حل نکالتے اور لوگوں کی عزت کرتے تھے۔ اس لئے ادارے کی ساکھ کو برقرار رکھنے کیلئے اس قسم کے اخلاق اور خدمات کی حامل منیجر کی ضرورت ہے۔ اس لئے طویل تجربے کو پیش نظر رکھتے ہوئے متفقہ طور پر بورڈ آف ڈائریکٹر کی طرف سے وزیر زادہ کی خالی ہونے والی نسشت پر جاوید احمد ایس او کی بطور منیجر اے وی ڈی پی تعینات کی منظوری دی گئی۔ تاہم وہ ایس او کی ذمہ داریاں بھی انجام دیتے رہیں گے۔ اجلاس کے بعد چیرمین رحمت الہی کی قیادت میں رورل ہیلتھ سنٹر ایون میں پی پی آر پراجیکٹ کے تحت مرمت اور تعمیر کے کاموں کا جائزہ لیا۔ اور لیبر روم، ڈینٹل یونٹ، الیکڑیفیکیشن وغیرہ پر اطمینان کا اظہار کیا۔ اس موقع پر بورڈ کے وائس چیرمین ظہیرالدین، عبدالبصیر، اکرام اللہ جان،شیر محمد، میر بادشاہ، شمس الربی، اونت بیگ، سلطان خان، عنایت اللہ، خواتین ممبران زرتاج بیگم، رافعہ بی بی، شاہی گل، جم شاہی و ایس او نجمہ سحر موجود تھیں۔
تازہ ترین
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور