چترال (نمائندہ چترال میل) تریچ میر ڈرائیور یونین کے سیکرٹری اطلاعات محد رحیم نے سابق صدر ڈرائیور یونین چترال ممتاز علی جان پر دو کروڑ روپے خرد بر کرنے کا الزام لگایا ہے۔ اپنے اخباری بیان میں انہوں نے کہا۔ کہ موصوف 17سال ڈرائیور یونین کے صدر رہے۔ اور بھاری آمدنی کے باوجود یونین کے اکاؤنٹ میں ایک پیسہ بھی موجود نہیں ہے۔ جوکہ انتہائی افسوسناک ہے۔ انہوں نے کہا۔ کہ موجودہ یونین اس کرپشن کا کڑا احتساب کرے گی۔ جس سے وہ بچ نہیں سکیں گے۔ محمد رحیم نے کہا۔ کہ موجودہ کابینہ کے پاس پیسے وصولی کے تمام رسیدات موجود ہیں۔ جس کا انہوں نے بحیثیت صدر مفت کا مال سمجھ کر ہڑپ کر دیا ہے۔ انہوں نے کہا کہ یونین کے ان حسابات کے پائی پائی کا حساب لیا جائے گا۔ جس سے وہ بچ نہیں سکیں گے،انہوں نے کہا۔ کہ گذشتہ الیکشن میں دھاندلی کرکے صدر بن کر پھر خرد برد کی راہ ہموار کی اور رہی کسر پوری کردی۔ انہوں نے کہا۔ کہ موجودہ کابینہ ایک قابل اعتماد کابینہ ہے۔ جو یونین کے مالی حسابات میں شفافیت پر یقین رکھتا ہے اور یونین کا پہلا کام اس کی مالی حالت کو بہتر بنانا ہے۔ انہوں نے کہا۔ کہ یونین ضلعی انتظامیہ اور حکومت کے ساتھ بھر پور تعاون کرے گا۔ اور ڈرائیور برادری کے حقوق کیلئے جدو جہد کرتا رہے گا۔ انہوں نے کہا۔ کہ ڈرائیور برادری میں اتحاد اس کی بنیادی منشور میں شامل ہے۔ اور یہی اتحاد اس کی مضوطی اور استحکام کا سبب بنے گی۔