چترال (نمائندہ چترال میل) جماعت اسلامی کے مرکزی رہنما، سابق ایم این اے اور عام انتخابات 2024ء میں قومی اسمبلی کے حلقہ این اے ون کا امیدوار مولانا عبدالاکبر چترالی نے کہا ہے کہ جمعیت علمائے اسلام نے ایک سوچا سمجھا منصوبہ اور سازش کے تحت انہیں شکست دلائی جو اپنی امیدوار کی جیت کے بجائے ان کی ووٹوں کو توڑنے میں ذیادہ سرگرمی دیکھادی اور اس مقصد کے لئے روپے پیسے کی بارش کردی جوکہ چترال کی سیاسی اور انتخابی تاریخ کا شرمناک باب ہے۔ ہفتے کے روز چترال پریس کلب میں پارٹی کے سینئر رہنماؤں مولانا اسرار الدین الہلال، مولانا رحمت اللہ اخونزادہ اور حکیم مجیب اللہ کی معیت میں ایک پریس کانفرنس سے خطاب کرتے ہوئے انہوں نے کہاکہ جے یوآئی کی مرکزی قیادت قومی اسمبلی کی فلور پر ان کی کارکردگی اور سچ گوئی پر ان سے نالان تھے کیونکہ انہوں نے پی ڈی ایم حکومت میں شامل جے یو آئی کے وزراء کی کرپشن اور سود کی حمایت کو دنیا کے سامنے طشت ازبام کیاتھا جوکہ پاکستان پوسٹ میں سینکڑوں اسامیوں کو فروخت کیا تھا۔ انہوں نے کہاکہ قومی اسمبلی کی فلور پر سود کے خلاف ووٹنگ میں جے یوآئی کے اراکین اسمبلی ان کا ساتھ دینے سے انکار کیا اور2022ء کو یوم آزادی کے موقع پر کنونشن سنٹر میں منعقدہ تقریب میں فحاشی وعریانی کی بھی مذمت کی تھی جس میں جے یو آئی سے تعلق رکھنے والے وزراء بھی موجود تھے۔ مولانا چترالی نے کہاکہ جے یو آئی ہمیشہ سے صحابہ کرام کے عظمت کے بارے میں جماعت اسلامی کے خلاف زہر افشانی کرکے اپنی سیاسی دکان چمکاتے تھے لیکن قومی اسمبلی میں جب ناموس صحابہ بل پاس کرانے میں اس نے کلیدی کردار ادا کیا تو جے یو آئی کی ٹھیکہ داری خطرے میں نظر آئی اور پارلیمنٹ تک ان کا راستہ روکنے کی کسی موقع کو نہیں گنوایا اور غیر مقامی ارب پتی شخص کو چترال لاکر ان کے مدمقابل کھڑا کرنے کا مقصدبھی یہی تھا۔ مولانا چترالی نے کہاکہ جے یو آئی کی مقامی قیادت اب کسی کو منہ دیکھانے کے قابل نہیں کیونکہ ووٹ کے لئے کھلے عام رشوت دے کر اور چند ٹکوں کی خاطر خواتین کو سڑکوں پر لے آنا نہایت قبیح فعل تھا جوکہ ہماری تہذیب وتمدن کے بھی خلاف بات ہے جہاں عوام کو بھکاری بنادیا گیا۔ انہوں نے الیکشن جیتنے والے امیدواروں کو مبارک باد دی اور ان کی کامیابی کے لئے نیک خواہشات کا اظہار کیا۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ