چترال (نما یندہ چترال میل) گورنمنٹ ٹیکنیکل اینڈ ووکیشنل انسٹیٹیوٹ کو اپ گریڈ کرکے گورنمنٹ پولی ٹیکنک انسٹیٹیوٹ کا درجہ دینے کے سلسلے میں تقریب ہفتے کے روز چترال میں منعقد ہوئی جس میں منیجنگ ڈائرکٹر خیبر پختونخوا ٹیکنیکل اینڈ ووکیشنل ایجوکیشن اینڈ ٹریننگ اتھارٹی (ٹویٹا) انجینئر عبدالغفار نے فیتہ کاٹ کر افتتاحی تختی کی نقاب کشائی کی۔ اس موقع پر ڈپٹی کمشنر لویر چترال محمد علی خان اور ڈی پی او اکرام اللہ خان بھی موجود تھے۔مہمان خصوصی منیجنگ ڈائریکٹر عبدالغفار خان نے اپنے خطاب میں کہا کہ چترال کے لوگوں سے مجھے دلی محبت ہے اور یہی وجہ ہے کہ میں چترال میں فنی تعلیمی اداروں کی ترقی کے لیے دوسری دفعہ چترال آیا ہوں اور اس عزم کا اعادہ کیا کہ چترال میں فنی تعلیم کے لیے بھرپور تعاون کیا جائے گا اور اس سال ستمبر سے باقاعدہ گورنمنٹ پولی ٹیکنیک انسٹیٹیوٹ کی دو کلاسز کا اجراء کیا جائے گا۔تقریب سے ڈی۔سی چترال لوئر محمد علی نے اپنے خطاب میں چترال میں فنی تعلیم کی ترویج و ترقی کے لیے ہر ممکن تعاون کا اعادہ کیا اور کالج سے متصل کچی روڈ کو پکی کرنے اور طلباء کے ٹرانسپورٹ کا دیرینہ مسلہء حل کرنے کی بھی یقین دہانی کی،ڈی،پی او چترال اکرام اللہ ص نے بھی طلباء سے اپنے خطاب میں جدید فنی تعلیم کے حصول اور نشے اور جرائم سے پاک معاشرے کی تشکیل پر زور دیا ہے۔ گورنمنٹ پولی ٹیکنک انسٹیٹیوٹ کے پرنسپل رحمت کریم نے بتایاکہ اس سیشن میں ڈریس ڈیزائننگ اور سول ٹیکنالوجی میں ڈپلومہ آف ایسوسی ایٹ انجینئر کی کلاسیں شروع کئے جائیں گے۔ اس موقع پر ڈائیریکٹر ورکس انجینئر حیدر علی، چیرمین آئی،ایم،سی انجینیر سردار ایوب، یواین ایچ سی ار کے ڈائریکٹر فدا محمد خان، ویمن ووکیشنل انسٹیٹیوٹ چترال کے پرنسپل سن روز اور بونی کے پرنسپل طیبہ اسلام بھی موجود تھیں۔ بعدازاں منیجنگ ڈائرکٹر نے ٹول کٹس اور سرٹیفیکیٹس بھی تقسیم کئے۔ا نہوں نے اپر چترال ضلعے کے صدر مقام بونیمیں ویمن ووکیشنل ٹریننگ انسٹیٹیوٹ کابھی دورہ کیا۔ یہ بات قابل ذکر ہے کہ چترال میں پبلک سیکٹر میں پولی ٹیکنک انسٹیٹیوٹ کا قیام ایک دیرینہ عوامی مطالبہ رہا ہے۔
تازہ ترین
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے