چترال (نما یندہ چترال میل) الخدمت فاونڈیشن اسکول سسٹم قتیبہ کیمپس دنین چترال میں اسکولنگ کی تاریخ میں پہلی مرتبہ گزشتہ سال کے فارغ التحصیل اسٹوڈنٹس کیلیے کنووکیشن کا انعقاد کیا گیا۔اس پروقار تقریب میں ایجوکیشن ڈیپارٹمنٹ فیمل چترال کے سب ڈیویشنل ایجو کیشن افیسر مسرت جمال بحیثیت صدر محفل، مہروالنسا ء پرنسپل گورنمنٹ گرلز ہا ئی اسکول بمبوریت بحیثیت مہمان خصوصی، گیسٹ آف ایمیننس ایس ڈی ای اوشکیلہ انجم،شازیہ خان پرنسپل الخدمت فاونڈیشن اسکول سٹی کیپمس چترال،ایکس قتیبین اسٹوڈنٹ و اے۔ ایس۔ڈی۔ اورابعہ عیسیٰ، اسکول ہذا کی ایک اور اسٹوڈنٹ ڈاکٹر فریال قادر، طاہرہ گل لیکچرر گورنمنٹ گرلز ڈگری کالج چترال، ممتاز بانو پرنسپل اسلام آباد سِلک روٹ اسکول چترال، والدین اور اسٹوڈنٹس کی کثیر تعداد نے شرکت کی۔تقریب میں مہمان گرامی کیساتھ اسٹوڈنٹس کو بھی Convocation Gowns کیساتھ Qutaibian Mufflers بھی پہنا ئے گئے۔
