اسلام اباد (نمایندہ چترال میل)پائیدار ترقی کے اہداف (سسٹین ایبل ڈیویلپمنٹ گولزSDGs)کے سلسلے میں جمعرات کے روز اسلام آباد میں وفاقی حکومت کے زیر انتظام ملک بھر کے ضلع ناظمین اور بلدیاتی اداروں کے سربراہاں کی اجلاس کے موقع پر خطاب کرتے ہوئے ضلع ناظم چترال مغفرت شاہ نے کہاکہ تیزی سے ترقی پذیر دنیا میں اختیارات کی نچلی سطح پر منتقلی ناگزیر ہوگئی ہے اور تمام ترقی یافتہ ممالک میں حقیقی معنوں میں اختیارات گراس روٹ لیول پر منتخب نمائندوں کے پاس ترقی کے تمام شعبوں کے انتظام وانصرام ہیں۔ وفاقی وزیر ترقی و منصوبہ بندی احسن اقبال کی سربراہی میں منعقدہ اس اجلاس سے اپنے خیالات کا اظہار کرتے ہوئے ضلع ناظم چترال نے مزید کہاکہ اس سے قبل میلینیم ڈیویلپمنٹ گولز (ایم ڈی جیز) کے حصول میں ناکامی کی سب سے بڑی وجہ یہ تھی کہ اس میں گراس روٹ کی قیادت کو شامل نہیں کیا گیا اور مرکزیت کا راستہ اپنایا گیا اور اس ناکامی سے سبق لیتے ہوئے اب ایس ڈی جیز کے حصول کے لئے ضلعی حکومت کو تمام منصوبوں میں شامل رکھا جائے جس کی جڑیں براہ راست عوام سے پیوستہ ہیں۔ اس موقع پر وفاقی وزیر احسن اقبال نے ضلع ناظم کے خیالات سے مکمل اتفاق کرتے ہوئے کہاکہ ایس ڈی جیز کے حصول میں ہم ایسے سنجیدہ اور قابل عمل مشوروں اور تجاویز پر ضرور عمل کریں گے۔ انہوں نے کہاکہ چترال کی ترقی میں وفاقی حکومت نہایت سنجیدہ ہے اور اس سلسلے میں خیبر پختونخوا کے وزیر اعلیٰ سے جلد ہی ایک اجلاس کیا جائے گاتاکہ اس عمل میں شریک کیا جاسکے۔ بعدازاں ضلع ناظم احسن اقبال کو چترال دورے کی دعوت دی جسے انہوں نے بخوشی قبول کرلی۔
تازہ ترین
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ