چترال (نما یندہ چترال میل) آل ایمپلائز کوآرڈنیشن کونسل چترال کا ایک احتجاجی جلسہ گورنمنٹ سنٹینیل ماڈل ہائی سکول چترال روڈ پر منعقد ہوا۔ جس میں چترال کے تمام اداروں کے ملازمین نے بڑی تعداد میں شرکت کی۔ ا س موقع پر مقررین نے موجودہ حکومت کی طرف سے ملازمین کے ساتھ روا رکھے جانے والے سلوک کو انتہائی افسوسناک اور ظلم و زیادتی کی انتہا قرار دیا۔ اور کہا۔ کہ موجودہ حکومت ملازمین کو سبز باغ دیکھا کر اقتدار میں آئی ہے۔ لیکن اس نے جو ملازم کش اقدامات اٹھائے ہیں۔ اس کی مثال ماضی کی کسی حکومت میں نہیں ملتی۔ انہوں حکومت کو خبر دار کیا۔ کہ 6 اکتوبر سے پہلے پہلے اگر موجودہ حکومت نے ان کے مطالبات منظور نہیں کئے۔ تو اس کے بعد ملازمین کا سمندر اسلام آباد کی طرف روانہ ہو گا۔ اور اپنے مطالبات بزور طاقت منا کر دم لے گا۔ اس موقع پر ملازمین کا چارٹر آف ڈیمانڈ پیش کیا گیا۔ جس میں مطالبہ کیا گیا۔ کہ تمام ملازمین کو بلا تفریق جدید ٹائم سکیل دیا جائے۔ تمام ملازمین کو یکسان سکیل اور مراعات دیے جائیں۔ ایڈہاک ازم اور کنٹریکٹ پالیسی کا خاتمہ کیا جائے۔ میڈیکل الاونس کم از کم دس ہزار روپے ماہانہ کیا جائے۔ہاوس رینٹ الاونس جاری بنیادی تنخواہ پر بلاتفریق پچاس فیصد دی جائے۔ تمام ایڈ ہاک ریلیف بنیادی تنخواہ میں ضم کرکے پے ریوائز کیا جائے۔ تنخواہ میں موجود کمرتوڑ مہنگائی کے تناسب سے سو فیصد اضافہ کیا جائے۔ ملازمین اور محنت کشوں کے حوالے سے آئی ایم ایف کا اثر و رسوخ ختم کیا جائے۔ صوبائی حکومت کی طرف سے 2013 – 2015 کے ایڈہاک ریلیف کی جگہ تمام ملازمین کو ایک ایڈوانس انکریمنٹ دینے کا اعلامیہ جاری کیا جائے۔ اور اخبارات و سوشل میڈیا میں پنشن،سالانہ انکریمنٹ اور ساٹھ سالہ سروس کے خاتمے کی خبروں سے متعلق واضح پالیسی کا اعلان کرے۔ تاکہ ملازمین میں پائی جانے والی بے چینی اور اضطراب کا خاتمہ ہو سکے۔ جلسے سے صدر آل ایمپلائز کو آرڈنیشن کونسل چترال امیرالملک، ضیا ء الرحمن جنرل سیکرٹری کو آرڈنیشن کونسل،نثار احمد صدر اے ٹی اے قاری یوسف جنرل سیکرٹری اے ٹی اے، زاہد عالم جنرل سیکرٹری ایٹا، آفتاب عالم صدر ویلج کونسل سیکر ٹریز، شکیل احمد صدر لیبر یونین سی اینڈ ڈبلیو، جمال الدین صدر پیرامیڈیکل ایسوسی ایشن، محمد قاسم صدر کلاس فور، جہانگیر صدر واپڈا، منصور علی شباب چیرمین میڈیکل ایسوسی ایشن نے خطاب کیا۔ صدر امیر الملک نے تمام ملازمین سے کہا۔ کہ گورنمنٹ ملازمین اپنے ایسوسی ایشن کے اندر کسی بھی پارٹی کی سیاست سے اپنے آپ کو دور رکھیں۔ اور صرف سرکاری ملازم کی حیثیت سے اپنے مطالبات کیلئے اتفاق پیدا کرکے جدوجہد کریں۔ انہوں نے تمام ملازمین کو یقین دلایا۔ کہ وہ موجودہ حکومت سے اپنے مطالبات منواکے رہیں گے۔
تازہ ترین
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے