چترال (محکم الدین) چکدرہ چترال ایکسپریس وے ایکشن کمیٹی چترال کا ایک ہنگامی اجلاس کنوینئیر ایکشن کمیٹی چترال مغفرت شاہ کی زیر صدا رت چترال پریس کلب میں منعقد ہوا۔ جس میں حسب سابق سوائے پاکستان تحریک انصاف کے تمام پارٹیوں کے قائدین و نمایندگان و سول سوسائٹی اداروں کے صدور نے شرکت کی۔ اجلاس میں دیر میں منعقد ہونے والے آل پارٹیز کانفرس میں شرکت کیلئے بھیجے گئے دعوت ناموں پر تمام حاضرین نے اپنے خیالات کا اظہار کرتے ہوئے اسے خو ش آیند قرار دیا۔ اور متفقہ طور پر دعوت قبول کرتے ہوئے آل پارٹیز کانفرنس میں شرکت کا فیصلہ کیا ۔ اور کہا۔ کہ چونکہ چکدرہ چترال ایکسپریس وے چھ اضلاع کا مشترکہ مسئلہ ہے۔ اس لئے اس مقصد کے حصول کیلئے سیاست سے بالاتر ہوکر مشترکہ جدوجہدکرنے کی ضرورت ہے۔ انہوں نے کہا۔ کہ چترال میں چودہ اگست کے لاک ڈاون کا فیصلہ دیر میں منعقد ہونے والے کانفرنس کی روشنی میں کیا جائے گا۔ اگر چکدرہ سے چترال تک متفقہ طور پر لاک ڈاون پر اتفاق ہوا۔ تو اس کیمثبت نتائج نکلیں گے۔ ورنہ چترال ایکشن کمیٹی لاک ڈاون مقامی سطح کرنے کا حق محفوظ رکھتی ہے۔ اجلاس میں کانفرنس میں بھر پور شرکت کا فیصلہ کیا گیا۔ اور طے پایا۔ کہ ہر پارٹی سے تین افراد کانفرس میں شرکت کریں گے۔ اجلاس میں اس امر کا اظہار کیا گیا۔ کہ چکدرہ چترال ایکسپریس وے چترال کیلئے موت و حیات کا مسئلہ ہے۔ چترال میں نہ صرف پشاور چترال مین روڈ انتہائی مخدوش حالت میں ہے۔ بلکہ دونوں اضلاع کی اندرونی سڑکیں بھی بہت بری حالت میں ہیں۔ انہوں نے کہا۔ کہ کلکٹک سے چترال اپروڈ روڈ بھی کھٹائی میں پڑ گیاہے۔ اس بات پر اتفاق کیا گیا۔ کہ ہر حال میں مذکورہ روڈ کی تبدیلی کو برداشت نہیں جائے گا۔ اور قانونی راستے استعمال کرتے ہوئے اسے بحال کرنے کی کوشش کی جائے گی۔ اگر یہ ممکن نہ ہو سکا۔ تو پھر بھر پور احتجاج کے بغیر کوئی چارہ نہیں۔ اجلاس میں آٹھ اگست کی صبح چار بجے چترال سے دیر میں منعقد ہونے والی کانفرنس میں گاڑیوں کے جلوس میں چترال سے روانگی کا فیصلہ کیا گیا۔ اجلا س میں پاکستان پیپلز پارٹی کے محمد حکیم ایڈوکیٹ، قاضی فیصل، پاکستان مسلم لیگ کے کوثر ایڈوکیٹ،جماعت اسلامی کے مولانا جمشید احمد، جمیعت العلماء کے مولانا عبد السمیع، اے این پی کے ایم آئی خان سرحدی ایڈوکیٹ، ڈسٹرکٹ بار کے نیاز اے نیازی ا یڈوکیٹ، سی سی ڈی این کے رحمت الہی، پریس کلب کے ظہیر الدین و محکم الدین،تجار یونین کے شبیر احمد اور ڈرائیور یونین کے عبدالصمد وغیرہ نے شرکت کی
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا