چترال (محکم الدین) پاکستان تحریک انصاف لوئر چترال کے صدر سرتاج احمد خان نے ایک پریس کانفرنس سے خطاب کرتے ہوئے ورکرز اور تحریک انصاف کے سنیئر رہنماوں کی طرف سے نئی کابینہ پر اعتماد کرنے پر اُن کا شکریہ ادا کیا ہے۔ بدھ کے روز ایک مقامی ہوٹل میں نئی کابینہ کے قیام پر اظہار تشکر کیلئے قرآن خوانی کے بعد جلوس کی شکل میں پریس کلب آئے اور خطاب کرتے ہوئے انہوں نے اسے اپنے لئے ایک بڑی آزمائش قرار دیا۔ اور تمام ساتھیوں سے اس عہدے کے ساتھ انصاف کرتے ہوئے پارٹی کو منظم رکھنے کے ساتھ اسے ترقی دینے، اور چترال کے مسائل حل کرنے کے سلسلے میں اُن کی مدد کرنے اور دعاءوں اور نیک تمناوں کی اپیل کی۔ اس موقع پر اپر چترال کے نو منتخب صدر رحمت غازی، سنیئر رہنماحاجی سلطان خان، الطاف گوہر ایڈوکیٹ،نو منتخب جنرل سیکرٹری لوئر چترال امین الرحمن، نائب صدر شجاع الرحمن، شاہد ودیگر موجود تھے۔ انہوں نے کہا۔ کہ پُر خلوص دوستوں اور پارٹی کے بہی خواہوں نے جب اُن کا نام لیا۔ تو انہوں نے تنظیم سازی میں حصہ لیا۔ اور اُن دوستوں کے اعتماد کی بنیاد پر وہ لوئر چترال کے لئے پاکستان تحریک انصاف کے صدر نامزد ہوئے ہیں۔ انہوں نے کہا۔ کہ سنیئر ساتھیوں نے پارٹی کو بہت اچھی طرح چلایا۔ میرا پی ٹی آئی میں شامل ہوئے زیادہ عرصہ نہیں گزرا تھا۔ لیکن یہ پارٹی کے سنیئر رہنماءوں اور ورکرز کی محبت ہے۔ کہ نئی تنظیم سازی میں دونوں نے مجھ پر اعتماد کا اظہار کیا۔ انہوں نے لوئر چترال کے تمام یو سیز سطح پر پارٹی کارکنان کے جذبے اور تعاون کی تعریف کی۔ انہوں نے کہا۔ کہ تنظیم سازی کے دوران سابق صدر عبداللطیف، سنیئر رہنما محمد قاسم اور ایم پی اے وزیر زادہ مکمل طور پر غیر جانبدار رہے۔ اور ایک سیاسی پراسس خوبصورت طریقے سے اختتام پذیر ہوا۔ انہوں نے اس عزم کا اظہار کیا۔ کہ نو منتخب کابینہ اپنی بھر پور صلاحیتیں پارٹی کو منظم رکھنے، احترام اور عزت کے ساتھ سیاسی حکمت عملی مرتب کرنے اور حکومت کے ہاتھ مضبوط کرتے ہوئے عوامی مسائل کے حل پر توجہ دے گی۔ سرتاج احمد خان نے شہزادہ سکندرالملک، شہزادہ امان الرحمن، عبداللطیف اور محمد قاسم کا شکریہ ادا کیا۔ انہوں نے تمام ساتھیوں کو ساتھ لے کر چلنے پارٹی کے پیغام کو گھر گھر پہنچانے اور باہمی اتفاق و اتحاد کو مضبوط بنانے کے عزم کا اظہار کیا۔ اور کہا۔ کہ ہم عہدوں کیلئے ایک دوسرے کے خلاف کھڑے نہیں ہوں گے۔ بلکہ باہمی مشاورت اور احترام سے تمام مسائل حل کریں گے۔ اپر چترال کے نو منتخب صدر رحمت غازی نے کہا۔ کہ ہم نئی کابینہ کی نوٹیفیکیشن کے بعد بونی میں پروگرام منعقد کریں گے۔ پاکستان تحریک انصاف کے اندر کوئی اختلاف نہیں ہے۔ اگر ایسا محسو س ہوا۔ تو اُسے ختم کرنے کی کوشش کی جائے گی۔ انہوں نے پارٹی کے تمام ورکروں سے اپیل کی۔ ہوہ دوسری پارٹیوں کے ساتھ بھی احترام و ادب کے دائرے میں سیاسی معاملات نمٹانے کی کوشش کریں۔ رحمت غازی نے کہا۔ کہ یہ بات حقیقت ہے۔ کہ لوگ مہنگائی کی وجہ سے پریشان ہیں۔ تاہم اس کا بہت جلد حل نکل آئے گا۔ اس موقع پر حاجی سلطان نے خطاب کرتے ہوئے کہا۔ کہ پی ٹی آئی کی سنیئر قیادت میں عبداللطیف کے ساتھ میں بھی شامل ہوں۔ جو لوگ یہ افواہ پھیلا رہے ہیں۔ کہ عبداللطیف کو دیوار سے لگا دیا گیا ہے۔ اُن کی باتوں میں کوئی حقیقت نہیں ہے۔ موجودہ فیصلہ چترال کے بہتر مفاد میں ہو چکا ہے۔ سرتاج احمد خان ایک پُر خلوص انسان ہیں۔ اور چترال کے مفاد میں انتہائی طور پر متحرک شخصیت ہیں۔ اگر مجھے ان کے خلوص اور چترال دوستی کے حوالے سے پہلے ادراک ہوتا۔ تو بخدا اس کے خلاف پچھلے الیکشن میں کوئی اقدام نہ اُٹھاتا۔ کانفرنس سے خطاب کرتے ہوئے جنرل سیکرٹری امین الرحمن نے تمام ورکرز کا شکریہ ا دا کیا۔
تازہ ترین
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے