(چترال میل رپورٹ)ڈسٹرکٹ فٹ بال ایسوسی ایشن چترال لوئر کے زیر اہتمام کلب کنونشن گذشتہ روز ڈسٹرکٹ کونسل ہال چترال میں منعقد ہوا جس کی صدارت صدر ڈی ایف اے ظفر علی شاہ العمروف گل آغا نے کی۔ کلب کنونشن میں لوئر چترال سے تعلق رکھنے والے ڈی ایف اے کے ساتھ رجسٹرڈ 24کلبوں کے نمائندگان نے شرکت کی۔ اس موقع پر ڈی ایف اے کے نائب صدر محمد عباس نے کلب کنونشن کے اغراض و مقاصد بیان کرتے ہوئے کہا کہ ڈی ایف اے کی عبوری کابینہ نے ایسوسی ایشن کو مضبوط بنانے کی غرض سے اس کنونشن کا انعقاد کیا ہے۔ ایسوسی ایشن کے سرپرست اعلیٰ حسین احمد نے ایسوسی ایشن کے پس منظر، قیام اور ابتک کی کارکردگی کے بارے میں شرکاء کو تفصیلی بریفنگ دی۔ انہوں نے کہا کہ انتھک محنت اور کوششوں کے بعد ڈی ایف اے ایک مقام حاصل کر چکا ہے اور نوجوانوں کی امیدیں اس سے وابستہ ہیں۔ انہوں نے کہا کہ کچھ عرصہ پاکستان میں فٹ بال فیڈریشن کی معطلی کی وجہ سے ڈی ایف اے کی سرگرمیاں بھی کم ہو گئی تھیں مگر اب ایسوسی ایشن فعال ہوچکا ہے، اگلے مہینے نئے کلبوں کی رجسٹریشن ہوگی جسکے بعد پاکستان فٹبال فیڈریشن کی زیر نگرانی ڈی ایف اے کے انتخابات منعقد ہونگے۔انہوں نے کہا کہ 2014سے قبل چالیس سے زائد کلب ڈی ایف اے کیساتھ رجسٹرڈ تھے مگر گذشتہ پانچ سال کے دوران صرف 24کلبوں نے اپنی رجسٹریشن کاتجدید کرایا ہے اور اسوقت صرف وہی کلب رجسٹرڈ مانے جائینگے۔ انہوں نے شرکاء پر زور دیکر کہا کہ کلبوں کے سربراہوں کی ذمہ داری ہے کہ وہ ڈی ایف اے کو مضبوط بنانے میں اپنا کردار ادا کریں کیونکہ ڈی ایف اے ان کلبوں کا نمائندہ ادارہ ہے۔ انہوں نے کہا کہ انشاء اللہ اسی مہینے چترال میں انٹر کلب فٹ بال چمپئن شپ کا انعقاد کرایا جائیگا۔ انہوں نے ڈی ایف اے کابینہ کے فیصلوں سے بھی شرکاء اجلاس کو آگاہ کیا اور تمام شرکاء سے ان فیصلہ جات کی توثیق لے لی۔
تازہ ترین
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے