چترال (نما یندہ چترال میل) ایون سے تعلق رکھنے والا نوجوان ذاکر احمد ولد میاں گل کی لاش کو بدھ کے روز کیسو گاؤں کے قریب دریا کے کنارے سے برامد کرلی گئی جوکہ عید الفطر کے اگلے روز کیسو گاؤں میں اپنے رشتہ داروں سے ملنے کیسو گاؤں گیا تھا لیکن کئی دن بعد واپس نہ آنے پر ان کی تلاش شروع کردی گئی تھی۔ ان کی لاش کو تحصیل ہیڈ کوارٹرز ہسپتال دروش میں پوسٹ مارٹم کے بعد گاؤں میں سپرد خاک کیا گیا جبکہ ان کے بدن پر تشدد کے نشانات پائے گئے جن کی بنیاد پر ان کی موت کو حادثاتی نہیں بلکہ قتل قرار دی جارہی ہے۔ ان کے ورثانے تاہم کسی کے خلاف دعویداری نہیں کی ہے۔ ذاکر احمد دو بچوں کا باپ اور پیشے لے لحاظ سے ویلڈنگ کا کام کرتا تھا اور بائی پاس روڈ چترال شہر میں ان کا دکان واقع تھا۔
