چترال (محکم الدین) چترال میں قتل اور گاڑی حادثے کے نتیجے میں دو افراد جان بحق اور ایک مرد سمیت تین افراد زخمی ہو گئے۔ پہلا واقعہ چترال کے بالائی علاقہ اویر کے مقام نو غڈوک میں پیش آیا، جہاں 13سالہ چھٹی جماعت کے طالب علم امام صادقین ولد امام ذاکرین کے گلے میں پھندا ڈالے لٹکتی لاش گندم کے کھیتوں کے قریب ملی۔ جسے پوسٹ مارٹم کے بعد سپرد خاک کیا گیا۔ موڑکہو پولیس کے مطابق واقع کے بارے میں پولیس کی تفتیش جاری ہے۔ مقامی لوگ اسے خود کُشی قرار دے رہے ہیں۔ لاش کے عینی شاہد امتیاز احمد نے ایکسپریس سے ٹیلیفون پر بات کرتے ہوئے کہا۔ کہ گاؤں میں ایک شادی کے پروگرام سے فارغ ہونے کے بعد وہ اپنے گھر جا رہا تھا۔ کہ ایک خاتون نے راستے میں لاش کے بارے میں اُنہیں بتا یا۔ تو وہ موقع پر پہنچ گیا۔ جہاں طالب علم امام صا دقین کے گلے میں پھندا ڈالا گیا تھا، انہوں نے کہا کہ بہت مشکل سے انہوں نے پھندا چھڑایا ۔ لیکن اُن کی موت واقع ہو چکی تھی۔ انہو ں نے کہا۔ کہ اس سے قبل ایک خاتون کو بھی اسی گاؤں میں قتل کیا گیا تھا۔ امتیاز احمد کے مطابق مقتول امام صادقین کا والد نابینا ہے اور اس کا بڑا بھائی امام صالحین بھی معذور ہے۔ اور گھر کی معاشی حالت انتہائی طور پر کمزور ہے۔ تاہم انہوں نے کہا۔ کہ امام صادقین کی ہلاکت ایک معمہ ہے۔ جس کے بارے میں پولیس تفتیش کر رہی ہے۔ دوسرا واقعہ چترال سے 44کلومیٹر دور گرم چشمہ کے نواحی گاؤں مُنور میں پیش آیا جہاں باراتیوں کی جیپ گہری کھائی میں گرجانے سے ایک خاتون زیب النساء زوجہ صمد خان جان بحق جبکہ گاڑی میں سوار تین خواتین اور ڈرائیور زخمی ہوگئے۔ پولیس تھانہ گرم چشمہ کے مطابق زخمیوں کو تحصیل ہیڈ کوارٹرز ہسپتال میں داخل کردیا گیا ہے جہاں ان کی حالت تسلی بخش بتائی جاتی ہے۔ گرم چشمہ تھانے سے حاصل کردہ معلومات کے مطابق ڈرائیور حسین شاہ ولد مسلم شاہ، پنین دانہ زوجہ مسلم شاہ،حاجی نساء زوجہ سلطان شاہ ساکنان ژیتور اور سعدیہ بی بی دختر جعفرعلی ساکن سیواخت شوغور شامل ہیں۔ حادثے کی فوری وجہ معلوم نہ ہوسکی۔
تازہ ترین
- ہومچترال میں خودکشی کی رجحان میں کمی لانے کے لئے لویر پولیس نے پریونٹیو ڈیسک قائم کردیا ڈیسک کاباقاعدہ افتتاح ریجنل پولیس افیسر ملاکنڈ محمد علی خان نے کی
- ہومگرم چشمہ کے مقام پر پولوگراونڈ کا مسئلہ حل نہ ہونے پر سول سوسائٹی کے نمائندوں اور کارکنان کا دھرنا تیسرے روز میں داخل ہوگئی
- ہومچترال میں ٹیکس کے نفاذ کو مسترد کرتے ہوئے چترال کو پچاس سال مزید ٹیکس سے مثتثنی قرار دینے کا مطالبہ۔ پریس کانفرنس
- مضامیندھڑکنوں کی زبان۔۔۔محمد جاوید حیات۔۔۔”تعلیم کے دورازے اور غریب“..
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔