چترال (نمائندہ چترال میل) یونیورسٹی آف چترال میں فنانشل ٹیکنالوجی کے موضوع پر منعقدہ لیکچر میں اس بات پر زور دیا گیاکہ جدید زمانے سے مطابقت اور دنیا کے گلوبل ویلج میں سکڑجانے کے بعد فنانشل ٹیکنالوجی سے استفادہ کئے بغیر کسی شعبے میں ترقی ممکن نہیں اور کارپوریٹ سیکٹر میں اس کی اہمیت مزید بڑھ جاتی ہے۔ برطانیہ کے یونیورسٹی آف اڈنبرگ کے ڈاکٹر فواد خلیل نے فنانشل ٹیکنالوجی کی تعریف کرتے ہوئے کہاکہ یہ فنانشل منیجمنٹ میں جدت کا نام ہے جوکہ روایتی طور طریقوں سے ہٹ کر فنانشل سروسز کی ڈلیوری کو ممکن بناتی ہے۔ انہوں نے کہاکہ اس میں ٹیکنالوجی کی مختلف اوزار وسہولیات کے استعمال سے فنانس کی دنیامیں مختلف سرگرمیوں میں برق رفتار تیزی لائی گئی ہے۔ انہو ں نے مثالوں سے واضح کرتے ہوئے کہاکہ بنکنگ اورانوسٹنگ سروسزمیں سمارٹ فون کا استعمال، کرپٹوکرنسی کو رواج دینا ا ور دوسری سرگرمیاں اس میں شامل ہیں۔ انہوں نے یونیورسٹی آف چترال کی کوششوں کو سراہتے ہوئے کہاکہ اس نوزائیدہ ادارے نے وقت کے ساتھ چلنے کے لئے اپنے طلباء وطالبات کو تیار کررہی ہے جس کا بالواسطہ یا بلا واسطہ فائدہ مقامی ماحول پر بھی پڑے گا اور فنانشل ٹیکنالوجی پر خصوصی لیکچر کا اہتمام اس کی ایک مثال ہے۔ اس موقع پر یونیورسٹی کے پراجیکٹ ڈائرکٹر پروفیسر ڈاکٹر بادشاہ منیر بخاری نے فنانشل ٹیکنالوجی کی اہمیت اور تاریخی پس منظر پر روشنی ڈالی اور کہاکہ چترال کو سی پیک کا متبادل روٹ بننے اور یہاں لواری ٹنل پراجیکٹ کی تکمیل اور اس علاقے کو دنیا پر کھل جانے کی وجہ سے اس ٹیکنالوجی کی اہمیت بڑھ جاتی ہے۔ا س موقع پر مختلف بنکوں کے ذمہ دار افسران اور دوسرے فنانشل اداروں سے تعلق رکھنے والے اور سول سوسائٹی کے نمائندے بھی کثیر تعداد میں موجود تھے۔
تازہ ترین
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م