چترال (نمائندہ چترال میل) پاکستان تحریک انصاف چترال کے رہنما و ممبر صوبائی بار کونسل عبدالولی خان ایڈوکیٹ نے چیرمین این ایچ اے اور وفاقی و صوبائی حکومت سے مطالبہ کیا ہے۔ کہ لواری ٹنل کے کُھلنے کے شیڈول ٹائم کے نام پر چترال کے مسافروں کو ٹارچر کرنے کا سلسلہ بند کیا جائے۔ میڈیا سے بات چیت کرتے ہوئے انہوں نے کہا۔ کہ چترال کے لوگوں نے 42سال ناقابل یقین صعبتوں سے گزرتے ہوئے لواری ٹنل کی تکمیل کا انتظار کیا۔ اور خدا خدا کرکے جب یہ پراجیکٹ مکمل ہو چکا ہے۔ اور ٹنل کے اندر بھی کوئی کام نہیں ہو رہا ہے۔ تو کیونکر شیڈول کے نام پر لوگوں کی تذلیل کی جارہی ہے۔ انہوں نے کہا۔ کہ اس عمل کی وجہ سے لوگ دن بدن اداروں سے متنفر ہو تے جا رہے ہیں۔ جو سہولت دینے کی بجائے بلاوجہ عوام کو مشکلات میں ڈال رہے ہیں۔ عبدالولی ایڈوکیٹ نے کہا۔ کہ ہمارے علم میں یہ بات آئی ہے۔ کہ ایک لابی دانستہ طور پر چترالی مسافروں کو دیر کے الجزیرہ ہوٹل میں قیام کرنے پر مجبور کرتی ہے۔ اور اس سے چترال آنے والے مسافروں خصوصا خواتین اور بچوں کو جن مصائب سے گزنا پڑتا ہے۔ وہ ناقابل بیان ہے۔ لواری ٹنل کے اندر کام مکمل ہونے کے بعد 10 گھنٹے ٹنل کو بند ر کھنے کا کوئی جواز نہیں ہے۔ اسے صرف لوگوں کو تنگ کرنا اور مختلف اداروں کے ذمہ دار افراد کی طرف سے ہوٹل مالکان کو معاشی فوائد پہنچانے کی مذموم کو شش ہی کہا جا سکتا ہے ۔ جن کو مسافروں کی تکالیف کا ذرا برابر احساس نہیں ہے۔ انہوں نے کہا۔ کہ ٹنل کی بندش کی وجہ سے لوگوں میں دن بدن یہاں ڈیوٹی دینے والے اداروں کے خلاف منفی رجحان میں اضافہ ہو رہا ہے۔ جو کہ ہر گز اچھی بات نہیں ہے۔ انہوں نے کہا۔ کہ اس مسئلے کا فوری حل نکالا جائے۔ اور عوام کو مزید ٹارچر کرنے سے گریز کیا جائے۔ بصورت دیگر ضلع بھر میں لوگ احتجاج کرنے پر مجبور ہوں گے۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے