لاہور(نما یندہ چترال میل)وزیراعظم کے مشیروپاکستان مسلم لیگ(ن)خیبرپختونخواکے صوبائی صدرانجینئرامیرمقام نے کہاہے کہ صدرپاکستان مسلم لیگ(ن)شہبازشریف جلدخیبرپختونخواکے مختلف ڈویژن میں بڑے بڑے جلسہ عام سے خطاب کریں گے۔انہوں نے کہاکہ اسی سلسلے میں وہ29اپریل کومردان میں ایک بڑے جلسہ عام سے خطاب کریں گے۔ان خیالات کااظہارانہوں نے مرکزی صدرپاکستان مسلم لیگ(ن)ووزیراعلیٰ پنجاب محمدشہبازشریف کیساتھ وزیراعلیٰ ہاؤس لاہورمیں ملاقات کے بعدذرائع ابلاغ کے نمائندوں سے بات چیت کرتے ہوئے کیا۔انجینئرامیرمقام نے آئندہ عام انتخابات کے حوالے سے مرکزی صدرشہبازشریف کومفصل بریفنگ دی۔انہوں نے مرکزی صدر کوآگاہ کرتے ہوئے کہاکہ 20اپریل تک نامزدگی کیلئے درخواستیں طلب کی ہیں جس کے بعدپارلیمانی بورڈکے ذریعے میرٹ کی بنیاد پر پارٹی ٹکٹ تقسیم کئے جائیں گے۔
انجینئرامیرمقام نے کہاکہ پاکستان مسلم لیگ(ن)نے اپنے دوراقتدارمیں پاکستان کے بنیادی مسائل پرتوجہ دی اورالحمداللہ ان مسائل کوحل کیاجن میں سب سے بڑامنصوبہ پاکستان کی تقدیربدلنے والاسب سے بڑامنصوبہ اقتصادی راہداری شامل ہے،ملک کو اندھیروں سے روشنیوں کی جانب لانے کیلئے قومی گرڈسٹیشن میں تاحال10ہزارمگاواٹ بجلی شامل کردی گئی ہے اورتوانائی کے مزیدکئی منصوبوں پرکام برق رفتاری سے جاری ہے۔انہوں نے کہاکہ ملک میں دہشت گردی کی عفریت افواج پاکستان اورقوم کے تعاون ختم کردیاگیا،اس کے برعکس عمران نیازی صوبائی حکومت نے خیبرپختونخواکے مسائل مزیدبڑھادیئے،خیبرپختونخواکوقرضوں کے بھنورمیں پھنسادیاہے۔انہوں نے کہاکہ عمران نیازی کی ترجیح کبھی بھی خیبرپختونخواکی ترقی نہ تھی اورنہ رہیگی بلکہ خیبرپختونخواحکومت کوچوردروازے سے وزارت عظمیٰ کی کرسی کے حصول کیلئے استعمال کیاگیالیکن وزارت عظمیٰ حقیقی اوربلاامتیازخدمت کی بدولت ملتی ہے نہ کہ دھرنوں اورالزام تراشیوں سے۔انہوں نے کہاکہ آئندہ انتخابات کانتیجہ عمران خان کی سیاسی تابوت میں آخری کیل ثابت ہوگا،اللہ تعالیٰ نے عوام کی طاقت سے موقع دیاتوانشاء اللہ خیبر پختو نخوامیں پنجاب طرزکی ترقی لائیں گے اورعوام کوروزگاراورکاروبارکے مواقع فراہم کریں گے۔
تازہ ترین
- ہومچترال میں ٹیکس کے نفاذ کو مسترد کرتے ہوئے چترال کو پچاس سال مزید ٹیکس سے مثتثنی قرار دینے کا مطالبہ۔ پریس کانفرنس
- مضامیندھڑکنوں کی زبان۔۔۔محمد جاوید حیات۔۔۔”تعلیم کے دورازے اور غریب“..
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی