(چترال میل رپورٹ)خیبرپختونخواحکومت توانائی کے شعبے کی ترقی کے لئے حکومتی سطح پر نجی سرمایہ کاری کے فروغ کے لئے انقلابی اقدامات اٹھارہی ہے۔سستی بجلی کی پیداوارکے لئے صوبے میں پن بجلی کے پائے جانے والے قدرتی وسائل کو بروئے کارلایاجارہاہے۔اس اہم شعبے میں نجی سرمایہ کاری کی حوصلہ افزائی کے لئے توانائی پالیسی 2016ء میں کئی مراعات رکھی گئی ہیں۔رواں سال ملکی تاریخ میں پہلی مرتبہ نجی شعبے کی شراکت سے 518میگاواٹ کے 6 پن بجلی کے منصوبے شروع کئے جارہے ہیں اور اس سلسلے میں کامیاب سرمایہ کارکمپنیوں کو منصوبے حوالے کرنے کی منظوری دے دی گئی ہے۔ان منصوبوں سے صوبے میں ڈیڑھ ارب ڈالرز(250ارب روپے سے زائد) کی سرمایہ کاری ہونے کے ساتھ ساتھ عوام کو روزگارکے نئے مواقع میسرآئیں گے۔اس سلسلے میں محکمہ توانائی وبرقیات کے ذیلی ادارے پختونخواانرجی ڈیویلپمنٹ آرگنائزیشن(پیڈو) کا20واں بورڈ آف ڈائریکٹرزکا اجلاس زیرصدارت چیئرمین پیڈوبورڈصاحبزادہ سعید احمد منعقدہوا۔اجلاس میں سیکرٹری توانائی وبرقیات انجینئرنعیم خان،ڈپٹی سیکرٹری فنانس میڈم شہانہ،ڈپٹی سیکرٹری ہوم شاہ سعود،سنیٹرنعمان وزیر،حاجی افضل،فواد اسحاق اور عبداللہ شاہ نے بھی شرکت کی۔اجلاس میں بتایا گیا کہ ملکی تاریخ میں پہلی مرتبہ موجودہ صوبائی حکومت کے دورمیں نجی شعبے کی شراکت سے رواں سال 518میگاواٹ کے 6پن بجلی کے منصوبے ناران ہائیڈروپاورپراجیکٹ،188میگاواٹ مانسہرہ،شیگوکس ہائیڈروپاورپراجیکٹ102میگاواٹ لوئیردیر،ارکاری گول ہائیڈروپاورپراجیکٹ99میگاواٹ چترال،بٹاکنڈ ی ہائیڈروپاورپراجیکٹ6میگاواٹ مانسہرہ،غوربندہائیڈروپاورپراجیکٹ21میگاواٹ شانگلہ اورنندی ہار ہائیڈرو پاور پراجیکٹ12 میگاواٹ بٹگرام شروع کئے جائیں گے۔بورڈ کو بتایا گیا کہ دلچسپی رکھنے والی نجی کمپنیوں کے نمائندوں کی موجودگی میں شفاف (Transparent)طریقے سے بڈ اوپننگ کا اہتمام کیا گیا۔بعدازاں 4اجلاسوں کے بعدپیڈوبورڈ نے ان منصوبوں کو کامیاب بولی دہندہ نجی سرمایہ کاروں کے حوالے کرنے کی منظوری دے دی۔ اجلاس میں بتایا گیا کہ نجی شعبے کے تعاون سے شروع کئے گئے ان 6پن بجلی کے منصوبوں سے صوبے میں 250ارب روپے سے زائدکی سرمایہ کاری آئے گی جس سے روزگار کے نئے مواقع بھی میسر آئیں گے۔ پیڈوبورڈ نے صوبے میں جاری توانائی منصوبوں پر کام کی رفتار کا جائزہ لیا اوران منصوبوں کوبروقت مکمل کرنے پرزوردیا۔ چیئرمین پیڈوبورڈصاحبزادہ سعید احمد اور سیکرٹری توانائی انجینئرنعیم خان نے نجی شعبے کی شراکت سے توانائی کے6منصوبوں سے اربوں ڈالرز کی سرمایہ کاری کے اقدام کو تاریخی قراردیتے ہوئے اس عزم کا اظہارکیاکہ ان منصوبوں سے آنے والے دنوں میں صوبے کی معاشی حالت میں بھی مثبت تبدیلی آئے گی۔
تازہ ترین
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا