چترال (محکم الدین) چترال کی کالاش کمیونٹی نے اقلیتی رکن قومی اسمبلی اسفن یار بھنڈارا کا شکریہ ادا کیا ہے۔ جو اپنے انجہانی والد ایم پی بھنڈارا کے نقش قدم پر چل کر کالاش کمیونٹی کے مسائل حل کرنے میں انتہائی دلچسپی لے رہے ہیں۔ اور یہ اُن کے خاندان کی کالاش کمیونٹی کے ساتھ دلی محبت کا منہ بولتا ثبوت ہے۔ ان خیالات کا اظہار کمیونٹی کے عمائدین نے اسفن یار بھنڈارا کی طرف سے نقد رقوم اور دیگر امدادی سامان کی تقسیم کے موقع پر خطاب کرتے ہوئے کیا۔ اس موقع پر اسفن یار بھنڈارا کے پولیٹکل سیکرٹری انیل اجمل اور کالاش مردو خواتین کی بہت بڑی تعداد موجود تھی۔ کمیونٹی کی نمایندگی کرتے ہوئے نوجوان کالاش رہنما وزیر زادہ نے کہا۔ کہ بھنڈارا خاندان سے کالاش کمیونٹی کا تعلق برسوں پر محیط ہے۔ اور اس تعلق نے باہمی احترام اور محبت کی لازوال رشتے کی شکل اختیار کر لی ہے۔انہوں نے کہا، کہ اسفن یار بھنڈارا نے اپنے والد کی طرح کالاش کمیونٹی کی خدمت میں کوئی کوتاہی نہیں کی۔ اور شب روز اپنی بساط کے مطابق مسائل حل کرنے کی بھر پور کوشش کی۔ یہی وجہ ہے کہ کالاش لوگوں کے دلوں میں اُن کیلئے احترام موجود ہے۔ انہوں نے کہا۔ کہ 150خواتین میں نقد مالی امداد کی تقسیم، ایک سو گھرانوں میں سلائی مشین اور پانچ سو افراد میں کمبل اور کوٹ وغیرہ کی تقسیم اُن کی طرف سے بہت بڑا تحفہ ہیں۔ جبکہ ان کی طرف سے کالاش ویلیز میں ایریگیشن چینلز، حفاظتی بند، سنٹیشن، واٹر سپلائی سکیم وغیرہ پر دو کروڑ ساٹھ لاکھ بھی خرچ کئے گئے ہیں۔ اسی طرح مزید ترقیاتی منصوبوں کیلئے کوششیں جارہی ہیں۔ وزیر زادہ نے اسفن یار بھنڈارا کی خدمات کی تعریف کی اور انیل اجمل کی خدمات کو بھی سراہا۔ جو بار بار اسفن یار بھنڈارا کی طرف سے مختلف امدادی اشیاء کالاش کمیونٹی میں تقسیم کرنے کیلئے دُشوار گزار راستوں سے کالاش وادیوں میں آتے ہیں۔
تازہ ترین
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا