چترال (نمائندہ چترال میل ) ڈسٹرکٹ ہیڈ کوارٹرز ہسپتال چترال میں گزشتہ چارمہینوں سے آئی اسپیشلسٹ نہ ہونے کی وجہ سے مریضوں کو سخت مشکلات کا سامنا ہے جوکہ اس سال کے اوائل میں ڈاکٹر محبوب حسین کی ریٹائرمنٹ کے بعد خالی ہوگئی تھی۔ تقریبا چھ لاکھ آبادی والے ضلعے کے دور درا ز علاقوں کی آنکھوں کے عارضے میں مبتلا مریض علاقے کے واحد ہسپتال سے مایوس لوٹ جانے پر مجبور ہیں لیکن ہسپتال کے میڈیکل سپرنٹنڈنٹ نے ابھی تک اس اہم ترین نوعیت کے ڈیپارٹمنٹ کی اسپیشلسٹ کی تعیناتی کے لئے کوئی قدم نہیں لیا ہے۔ ہسپتال میں آنے والے متعدد مریضوں نے مقامی صحافیوں کو بتایاکہ ڈسٹرکٹ ہیڈ کوارٹرزہسپتال میں آئی اسپیشلسٹ کا موجود نہ ہونا اور اس اسامی کا چار مہینوں سے خالی رہنا قابل مذمت ہے۔ ہسپتال ذرائع کے مطابق ڈاکٹر محبوب حسین کی ریٹائر منٹ کے بعد ڈاکٹر فیض الملک آئی اوپی ڈی کے ساتھ ایم ایل سی کیسوں کو بھی دیکھتے تھے مگر گزشتہ دنوں انکی پروموشن کے بعد تحصیل ہیڈ کوارٹر ہسپتال بونی تبادلہ کیا گیا ہے۔ جبکہ ڈی ایچ کیو ہسپتال میں پی ایم او کی اسامیاں بھی خالی ہیں۔ جس کی بنا پر آئی سپشلسٹ کے دفتر پر مکمل طور پر تالہ لگ گیا ہے۔ ذرائع نے مذید بتایاہے کہ ہسپتال میں کارڈیالوجی، آرتھوپیڈک کے دو، دو اور سرجری، میڈیکل، نیورولوجی، انستھیزیا، گائناکالوجی اور چیسٹ کے ایک ایک اسامی خالی ہیں جس کی وجہ سے مریضوں کو پشاور کے ہسپتالوں کا رخ کرنا پڑ رہا ہے جوکہ ہرمریض کے بس کی بات نہیں ہے۔ عوامی حلقوں نے اس صورت حال کو ہسپتال انتظامیہ کی نااہلی قرار دی ہے۔یادرہے کہ ڈی ایچ کیو ہسپتال چترال 200بیڈوں پر مشتمل ضلع کے چھ لاکھ آبادی کی واحد ہسپتال ہے۔جس کو کیٹگری بی کا درجہ دیا گیا ہے۔ جہاں ضلع بھر سے مریض علاج کیلئے آتے ہیں۔ مریضوں کا کہناہے کہ ہسپتال میں پانی اور بجلی و دیگر سہولیات کا فقدام کوئی انہونی بات نہیں مگر ضلع کی واحد ہسپتال میں بھی آئی سپشلسٹ کا نہ ہونا قابل مذمت ہے۔ چترال کے مختلف مکاتب فکر نے انصاف کے دعویداروں سے ہسپتال کی حالت زار پر رحم کھانے اورآئی سپشلسٹ کی فوری تعیناتی کا مطالبہ کیا ہے۔ انھوں نے صوبائی وزیر صحت اور سیکریٹری ہیلتھ سے داد رسی کی اپیل کرتے ہوئے فوری نوٹس لینے کا مطالبہ کیا ہے۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ