چترال (نمائندہ چترال میل) خیبرپختونخوا کے وزیرکھیل‘ثقافت‘میوزیم وامورنوجوانان اورپاکستان تحریک انصاف ملاکنڈ ریجن کے صدرمحمود خان نے کہا ہے کہ صوبائی حکومت صوبے میں توانائی بحران پر قابوپانے کیلئے مختلف مقامات پر350مائیکروہائیڈل پاورپراجیکٹ بنارہے ہیں جس سے توانائی بحران پر قابو پانے کے ساتھ ساتھ مستقل بنیادوں پربجلی لوڈشیڈنگ کا ازالہ ہوگا۔انہوں نے کہا کہ صوبے میں غیر اعلانیہ شدید لوڈشیڈنگ کی تمام تر ذمہ داری وفاقی حکومت کی ہے وفاق کو فوری طور پرلوڈشیڈنگ کے خاتمے کیلئے زبانی جمع خرچ کی بجائے عملی اقدامات اٹھانے کی ضروت ہے کیونکہ واپڈا کا تعلق وفاقی حکومت کے ساتھ ہے یہ بات انہوں نے چترال میں مائیکروہائیڈل پاور پراجیکٹ کے افتتاح کے موقع پر لوگوں سے بات چیت کرتے ہوئے کیا۔واضح رہے کہ یہ منصوبہ 34کروڑوروپے کی لاگت سے ایس ارایس پی نے صوبائی حکومت کے تعاون بنایا ہے جس سے 2میگا واٹ بجلی پیدا کی جا رہی ہے اور اس سے چترال ٹاؤن کی 3ہزار ابادی کو بجلی کی سہولیات فراہم ہورہی ہیں۔اس موقع پر یورپی یونین کے سفیر،اراکین قومی وصوبائی اسمبلی شہزادہ افتخار الدین ملک‘فوزیہ بی بی‘ایس ار ایس پی کے چیف ایگزیکٹیوشہزادہ مسعود الملک‘پی ٹی آئی چترال کے صدر عبد الطیف اور معززین علاقہ کی کثیر تعداد بھی موجود تھی۔صوبائی وزیر محمود خان نے کہا کہ ہمارا صوبہ قدرتی وسائل سے مالامال ہے لیکن بدقسمتی سے ماضی میں حکمرانوں نے ان وسائل کو صحیح معنوں میں استعمال میں لانے کیلئے کوئی قدم نہیں اٹھایا۔انہوں نے کہا کہ پاکستان تحریک انصاف کی صوبائی حکومت ان وسائل کو صحیح معنوں میں استعمال میں لانے کیلئے بھرپور اقدامات کررہی ہے۔محمود خان نے کہا کہ بدقسمتی سے گزشتہ حکومتوں نے شعبہ تعلیم اورصحت سمیت تمام سرکاری اداروں کو تباہی کے دہانے پر کھڑا کردیا تھالیکن موجودہ صوبائی حکومت نے اقتدار سنبھالتے ہی تمام اداروں کی حالت زار بہتر کرنے کیلئے ریکارڈ اقدامات اٹھائے اور آج نہ صرف تمام اداروں میں میرٹ کی بالا دستی کو یقینی بنا یا گیا ہے بلکہ تمام ادارے اپنے فرائض بطریق احسن انجام دے رہے ہیں۔صوبائی وزیر نے پاور سٹیشن میں بجلی کی ترسیل کا افتتاح کیااور چھ کروڑ روپے کی لاگت سے موڑکہووادی کیلئے آر سی سی پل پر تعمیراتی کام کاآغاز کیا۔
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا