چترال(نمائندہ چترال میل) چترال بونی روڈ پرجنالی کوچ میں ٹریفک حادثے کے نتیجے میں ایک شخص جان بحق جبکہ ایک شدید زخمی ہو گیا۔ تفصیلات کے مطابق جنالی کوچ کے مقام پر ایک تیز رفتار موٹر سائیکل کی زد میں آکر زوندرانگم تریچ کی رہائشی زین العابدین شدید زخمی ہوگئے جسے تحصیل ہیڈ کوارٹرز ہسپتال بونی پہنچادیا گیا جہاں پر وہ زخموں کی تاب نہ لاتے ہوئے جان بحق ہوگئے۔ بتایا گیا ہے کہ متوفی زین العابدین چترال سے اپنے گاؤں جاتے ہوئے جنال کوچ میں گاڑی سے اُتر کر سڑک عبور کررہے تھے کہ موٹرسائیکل بے قابو ہوکر ان کو ٹکر ماری جس سے ان کے سر پر شدید چوٹیں آئے جبکہ اس حادثے میں موٹر سائیکل سوار شخص محمد اعجاز ولد بلبل محمد خان ساکن بونی بھی شدید زخمی ہو گئے جنہیں ہسپتال میں داخل کر دیا گیا ہے۔ مقامی پولیس نے موٹرسائیکل سوار شخص کے خلاف تعزیرات پاکستان کے دفعہ 320کے تحت مقدمہ درج کردیا ہے۔