پشاور (نما یندہ چترال میل)صوبائی وزیر تعلیم محمد عاطف خان نے کہا ہے کہ سرکاری سکولوں میں زیر تعلیم طلبہ وطالبات کو جدید فنی اور سائنسی تعلیم کی تربیت حکومت کی ترجیحات میں سر فہرست ہے اور اس مقصد کے صوبے کے ایک ہزار تین سو سکولوں میں جدید آئی ٹی لیبز قائم کر دی گئی ہیں جبکہ مزید سینکڑوں سکولوں میں آئی ٹی لیب ز کا قیام جاری ہے۔وہ گورنمنٹ ہائیر سیکنڈری سکول بغدادہ میں نو تعمیر شدہ آئی ٹی لیب کے افتتاح کے موقع پر منعقدہ تقریب سے خطاب کررہے تھے۔اس موقع پر سکول کے پرنسپل مولانا عبدالحق اور محکمہ تعلیم مردان کے اے ڈی اوز خالد خان، عبدالحلیم اور دیگر متعلقہ حکام بھی موجود تھے۔ وزیر تعلیم نے کہا کہ سرکاری سکولوں میں بنیادی سہولیات کی فراہمی پر 21 ارب روپے خرچ کیے گئے ہیں جس سے ان سکولوں میں اضافی کمروں، لیٹرین، باؤنڈری وال اور دیگر ضروری سہولیات فراہم کی گئی ہیں جبکہ اتنی ہی رقم سرکاری سکولوں میں فرنیچر کی فراہمی پر بھی خرچ کی گئی ہے جس سے یقینی طور پر ان سکولوں میں زیر تعلیم بچوں اور بچیوں سمیت تدریسی عملے کے مسائل بھی کم ہوئے ہیں جبکہ این ٹی ایس کے ذریعے ان سکولوں میں 40ہزار اساتذہ خالص میرٹ کی بنیاد پر بھرتی کیے گئے ہیں اور سرکاری سکولوں پر حکومت کی اس توجہ کا ہی نتیجہ ہے کہ گزشتہ کچھ عرصے سے پرائیویٹ سکولوں سے ہزاروں بچے سرکاری سکولوں میں آچکے ہیں کیونکہ اب عوام جان چکے ہیں کہ سرکاری سکولوں میں تعلیم کا معیار پہلے سے بہتر ہوگیا ہے۔ اُنہوں نے کہا کہ سابق حکمرانوں نے تعلیم جیسے مقدس شعبے کو بھی نہیں بخشا اور رشوت وسفارش پر نااہل لوگوں کو بھرتی کیا گیا جس سے تعلیم کے شعبے کا بیڑہ غرق کیا گیا جو غریب عوام کے ساتھ ظلم کی انتہا ہے۔محمد عاطف خان نے کہا کہ مردان میں گرلز کیڈٹ کالج میں جلد ہی کلاسوں کا اجرا ء ہورہاہے جس کے لیے تین ارب روپے کی خطیر رقم مختص کی گئی ہے جبکہ بخشالی روڈ پر فاطمہ الفہری گرلز ماڈل سکول پر بھی تیزی سے کام جاری ہے۔مردان میں خواتین یونیورسٹی میں کلاسز کا پہلے ہی اجراء ہوچکا ہے جبکہ انجنیئرنگ پشاور کے مردان کیمپس کو بھی مکمل یونیورسٹی کا درجہ دینے کی منظوری دیدی گئی ہے جس سے مردان میں تعلیمی انقلاب کی راہ ہموار ہوگئی اور اس کا سہرا پی ٹی آئی کی سوبائی حکومت کے سر ہے
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا