پشاور (نما یندہ چترال میل)پبلک سروس کمیشن خیبر پختونخوا نے ان تمام متعلقہ امیدواروں کو مطلع کیا ہے جنہوں نے میڈیکل آفیسرز(بی ایس۔17) کی پوسٹ کے لئے درخواستیں جمع کرائی ہیں کہ مذکورہ اسامیوں کے لئے انٹرویوز28اپریل2017تک مکمل کر لئے جائیں گے تمام امیدواروں کو پہلے ہی اطلاع کر دی گئی ہے تاہم اگر کسی امیدوار کو15۔اپریل2017تک کال لیٹرز موصول نہ ہو تو اسے کمیشن کے دفتر واقع2۔فورٹ روڈ پشاور صدر سے فوری رابطہ کرنے کی ہدایت کی گئی ہے بصورت دیگر کمیشن اس سلسلے میں کسی بھی دشواری کے لئے ذمہ دار نہیں ٹھہرایا جائے گا۔اس امر کا اعلان ڈائریکٹر(ریکروٹمنٹ خیبر پختونخوا پبلک سروس کمیشن) کی جانب سے ایک پریس نوٹ میں کیا گیا۔