چترال (نما یندہ چترال میل)ملک بھر کی طرح لوئر چترال میں جشن آذادی ملی جوش و جذبے کے ساتھ منایا گیا۔اس سلسلے میں پولیس لائن لوئر چترال میں خصوصی تقریبات کا انعقاد کیا گیا۔جامع مسجد پولیس لائن لوئر چترال میں بعد از نماز فجر قرآن خوانی کا اہتمام کیا گیا۔ مملکت خداد پاکستان کی سلامتی اور خوشحالی کے لئے خصوصی دعائیں کی گئی۔
پولیس لائن لوئر چترال میں پرچم کشائی کی تقریب کا انعقاد ہوا,جسمیں سپرنٹندنٹ آف پولیس انوسٹی گیشن لوئر چترال محمد ستار خان, ڈی۔ایس۔پی۔ہیڈکوارٹر احمد عیسی, ایس۔ڈی۔پی۔او سرکل سٹی چترال سجاد حسین اور دیگر پولیس افسران نے بڑی تعداد میں شرکت کی۔ لوئر چترال پولیس کے چاق و چوبند دستے نے قومی پرچم کو سلامی پیش کی۔
ایس۔پی۔انوسٹگیشین محمد ستار خان نے یاد گار شہداء پر پھول چرھائے,شہداء کے بلند درجات اور ملک و قوم کی سلامتی و خوشحالی کے لئے خصوصی دعائیں کی۔
اس کے بعد جشن آذادی پاکستان کی خوشی میں ایس۔پی۔انوسٹگیشن آفس پولیس لائن لوئر چترال میں کیک کاٹا گیا۔
