بونی (نما یندہ چترال میل)تحریک حقوق اپر چترال کی کال پر بجلی کی لوڈ شیڈنگ اور نئے شیڈول پر غور کرنے کے لیے آج کوراغ میں ایک میٹنگ کا انعقاد کیا گیا۔ جس میں تحریکِ تحفظِ حقوق اپر چترال کے اراکین کے علاوہ کثیر تعداد میں لوگوں نے شرکت کی۔تحریک کے راہنما پرویز لال و دیگر نے حاضرین کو بتایا کہ ایم۔پی۔اے چترال مولانا ہدایت الرحمن کی صدارت میں گولین ہائیڈرو پاور اسٹیشن میں مسلے کو باہمی افہام و تفہیم سے حل کرنے کے لیے اجلاس منعقد ہوئی جس میں لوئیر چترال انتظامیہ کی نمائیندگی ایڈیشنل ڈپٹی کمشنر ریلیف عبدالوالی خان،اپر چترال انتظامیہ کی نمائیندگی اسسٹنٹ کمشنر مستوج شاہ عدنان اور تحصیلدار رب نواز،پیڈو اور واپڈا کی نمائیندگی ان کے سنئیر اہلکار جبکہ عوام اپر چترال کی نمائیندگی تحریک حقوق کے اراکین ا ور دیگر سیاسی شخصیات نے کی۔ ان تمام کی موجودگی اور بہترین رویوں کی وجہ سے انجامِ کار اپر چترال کے لیے متفقہ طور پرنئے شیڈول مقرر کی گئی اور اس پر عمل درامد شروع ہو چکا ہے۔ اور اس شیڈول میں مزید بہتری کی گنجائش موجود ہے۔ لہذا موجودہ میٹنگ اس شیڈول پر اطمنان کا اظہار کرتے ہوئے مزید تسلی و تشفی کے لیے 8فروری تک احتجاجی جلسہ موخر کرتی ہے۔
