چترال(نمائندہ چترال میل)ضلع چترال میں خودکشی کے بڑھتے ہوئے واقعات اور حالیہ دنوں میں پیش آنے والے چند ناخوشگوار واقعات کے پیش نظر اس غلط رجحان کی حوصلہ شکنی اورعوام خاص کرنوجوان طبقے میں شعور وآگہی بیدار کرنے کی غرض سے گذشتہ روز انجمن ترقی کہوار حلقہ چترال کی طرف سے ڈسٹرکٹ ٹاون حال چترال میں ایک محفل مشاعرے کا اہتمام کیا گیا۔جس میں ضلع بھر سے کثیر تعداد میں شعراء وادباء کرام نے شرکت کی۔اوراس حوالے سے اصلاحی کلام پیش کئے۔اس موقع پر نامور ماہر تعلیم شیر محمد دین مہمان خصوصی تھے جبکہ محفل کی صدارت معروف ماہرتعلیم صالح ولی آزاد نے کی۔جبکہ اسٹیج کے فرائض معروف شاعر اناونسر ایف ایم 93شیر اکبر صبا نے انجام دی۔اس محفل مشاعرے میں چترال کے مختلف مقامات سے آئے ہوئے شعراء کرام نے اصلاحی کلام پیش کئے جن میں معروف شاعر صالح ولی آزاد،شیربڑانگ گداز،وارث خان وارث،حاجی اکبر،ظفر اللہ ماہی،عنایت الرحمن عزیز،فدا محمد فدا،راشد الاعظم رشید،صلاح الدین لوٹھورو کے علاوہ انجمن ترقی کہوار حلقہ چترال کے صدر محمد نواز رفیع،سینئر نائب صدر حسن بصری حسن،فنانس سیکرٹری سعید الرحمن سیدی اور جنرل سیکرٹری اسماعیل الرحمن رحمانی نے بھی کلام پیش کئے اور حاضرین سے خوب داد وصول کئے۔شعراء کرام نے اپنی اشعار کے ذریعے معاشرے کے ناہمواریوں،غلط رحجانات اور عدم برداشت جیسے معاشرتی مسائل کے مختلف عوامل اور ان کے نتائج کے حوالے سے شعور وآگہی بیدار کرنے کی کوشش کی۔پروگرام کے آخر میں مہمان خصوصی شیر محمد دین،صدر محفل صالح ولی آزاد،صدر انجمن ترقی کہوار نے محفل مشاعرے کے حوالے سے اپنے تاثرات بیان کئے۔محفل سے خطاب کرتے ہوئے انجمن ترقی کہوار حلقہ چترال کے صدر محمد نواز رفیع نے حلقہ چترال کے پروگرامات اور آئیندہ کی حکمت عملی کے حوالے سے بات کی۔اور معاشرے کی اصلاح میں شعراء کرام کے مثبت کردار کو سراہا۔اُنہوں نے کہا کہ عنقریب ایک محفل مشاعرے کا اہتمام کیا جائے گا جس میں ضلع بھر سے شعراء کو دعوت دی جائیگی۔
تازہ ترین
- ہومچترال میں ٹیکس کے نفاذ کو مسترد کرتے ہوئے چترال کو پچاس سال مزید ٹیکس سے مثتثنی قرار دینے کا مطالبہ۔ پریس کانفرنس
- مضامیندھڑکنوں کی زبان۔۔۔محمد جاوید حیات۔۔۔”تعلیم کے دورازے اور غریب“..
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی