ڈپٹی کمشنر چترال ارشاد سودھر کی ہدایت پر اسسٹنٹ کمشنر چترال ساجد نواز نے چترال سب ڈویژن کی ویلج کونسلز اور نائبرھوڈ کونسلز کے تمام ناظمین کے ہمراہ ڈسٹرکٹ کونسل ہال چترال میں آج ایک کھلی کچہری لگائی جس میں ضلع نائب ناظم چترال مولانا عبدالشکور کے علاوہ مختلف قومی تعمیر نو کے محکموں کے نمائندوں نے شرکت کی۔ اس موقع پر مختلف مسائل اور مشکلات پر تفصیلی غورو خوض ہوا۔ بعض مسائل کومتعلقہ ناظمین نے موقع پر حل کرنے کے احکامات جاری کئے جبکہ باقی ماندہ شکایات کو متعلقہ محکموں کے سربراہوں کو فوری کاروائی کے لئے حوالہ کئے گئے۔ ڈی ایس پی ہیڈ کوارٹرز چترال نے اس موقع پر چترال بازار کے نئے ٹریفک منصوبے کے بارے میں بتایا۔ ضلعی نائب ناظم نے بھی کھلی کچہری سے خطاب کیا۔ انہوں نے صوبائی اور ضلعی حکومت کے ان اقدامات کی تعریف کی جن کے تحت لوگوں کے مسائل کومقامی سطح پر حل کرنے میں بڑی مدد مل رہی ہے۔