چترال(نمائندہ چترال میل) دروش ہسپتال کے اپگریڈیشن کا سلسلہ جاری اور اس سلسلے میں ایک مختصر تقریب منعقد کی گئی جس کے مہمان خصوصی ایم پی اے و پار لیمانی سیکرٹری بی بی فوزیہ تھی۔ صوبائی حکومت طرف سے دروش ہسپتال کے لئے بھیجے گئے ایمبولنس کی چابی ایم پی اے بی بی فوزیہ نے ایم ایس دروش ڈاکٹر محمد یعقوب کے حوالے کی۔اس تقریب سے خطاب کرتے الحاج خورشید علی،قاری جمال عبد الناصر، رضیت با اللہ، ارشاد مکرر،حاجی سلطان محمد، حید ر عباس، حاجی شاد محمد، خالد محمود، حاجی گل نواز،فاروق علیشاہ، خوش نواز اور بہرام سید ودیگر نے لوگوں کی ضرورت کو مد نظر رکھ کر ایک جدید ایمبولینس دروش ہسپتال کے حوالے کرنے پر صوبائی حکومت کا شکریہ اداکیا۔جس سے مریضوں کو باہم سہولت پہنچایا جا سکے گا۔ایم پی اے بی بی فوزیہ نے اس موقع پر کہا کہ تحریک انصاف کی صوبائی حکومت تبدیلی پہ یقین رکھتی ہے اپر چترال کا قیام اور دروش کو الگ تحصیل کا درجہ دینا ہماری پارٹی کی بہت بڑی کا میابی ہے جبکہ سینئر رہنما رضیت با اللہ کا کہنا تھا کہ باوجود چترال میں مینڈیٹ نہ ہونے کے پی ٹی آئی نے اپنے دورِ حکومت میں ریکارڈ ترقیاتی کام کیے اور فلاحی کاموں کا سلسلہ عوامی بہبود اور اللہ کی رضا مند ی کیلئے جاری رکھیں گے۔ بعد ازاں ایم پی اے بی بی فوزیہ ہسپتال میں نئے تعمیر شدہ کنٹین کا بھی افتتاح کیا۔