چترال (نمائندہ نمائندہ چترا ل میل) اپر اور لویر چترال کے اضلاع میں ڈسٹرکٹ بار ایسوسی ایشن کے انتخابات مکمل ہوگئے جن میں ساجد اللہ ایڈوکیٹ لویر چترال اور گل مراد خان ایڈوکیٹ اپر چترال کے صدر منتخب ہوگئے۔ لویر چترال میں تمام عہدیداربلامقابلہ منتخب ہوگئے جن میں محمدکوثر چغتائی نائب صدر، نبیگ جنرل سیکرٹری، فیصل کمال فنانس سیکرٹری اور ظفرالحق لائبریری سیکرٹری جبکہ ہدایت الاسلام، سردار علی، راحت علی اور سلیم سرور ایگزیکٹوکمیٹی کے ممبر منتخب ہوگئے۔ اسی طرح اپر چترال بار ایسوسی ایشن کے دیگر عہدیداروں میں نائب صدر غلام علی شاہ، جنرل سیکرٹری خلیل احمد بیگ، فہیم اللہ فنانس سیکرٹری، علی جان لائبریری سیکرٹری اور مفتاح الدین ممبر ایگزیکٹو کمیٹی شامل ہیں۔