چترال ( نمائندہ چترال میل ) بین الاقوامی سطح پر یوتھ پاکستان کی نمایندگی کرنےاور “بیسٹ نیگوشئیٹر ایوارڈ ” حاصل کرنے والی چترال کی باصلاحیت بیٹی اور چترال یونیورسٹی کی بی ایس کی طالبہ صباحت رحیم بیگ نے کہا ہے۔ کہ چترال کی نوجوان خواتین اور کالج و یونیورسٹی کی سٹوڈنٹس میں بے پناہ صلاحیتیں موجود ہیں ۔لیکن آگہی میں کمی ،بہتر رہنمائی و خانگی سپورٹ کے فقدان اور معاشی مسائل کی بنا پر تمام صلاحتیں ضائع ہورہی ہیں ۔ تاہم وہ ایک ایسا پلیٹ فارم بنانے کی جدوجہد کر رہی ہیں ۔ کہ ان تمام کمزوریوں اور رکاوٹوں کو دور کرکے ٹیلنٹ کو آگے آنے کا موقع فراہم کیا جا سکے ۔ اور کوئی بھی چترال کی بیٹی ان رکاوٹوں کی وجہ سے شاندار مستقبل سے محروم نہ رہے ۔ ان خیالات کا اظہار انہوں نے گذشتہ روزیوتھ ڈیلیگیٹ آف پاکستان کی حیثیت سے ترکی میں منعقدہ عالمی کانفرنس میں شرکت کے بعد وطن واپسی پر چترال پریس کلب میں میڈیا سے خطاب کرتے ہوئے کہی ۔ انہوں نے کہا ۔ کہ یہ چترال کی تمام خواتین اور بیٹیوں کیلئے ایک سبق اور اعزاز کی بات ہے ۔ کہ انہوں نے ترکی میں منعقد ہونے والے یوتھ ایمپیکٹ نیشنل کانفرنس میں نہ صرف شرکت کی ۔ بلکہ پچاس ملکوں سے آئے پچاسی ڈیلیگیٹس پر مشتمل کانفرنس میں ” ویمن رائٹس ایڈوکیسی اینڈ ایمپاورمنٹ ” کے موضوع پر ایک جامع تقریر و نقشہ راہ پیش کرکے پہلی “بیسٹ نیگوشئیٹر ایوارڈ حاصل کرنے میں کامیاب ہوئی ۔ پچاس ملکوں کے وفود میں واحد خاتون تھی ۔ جس نے نقاب اور پردے میں اس کانفرنس میں شرکت کی ۔ انہوں نے کہا ۔ کہ جو خواتین خصوصا سٹوڈنٹس یہ سمجھتی ہیں ۔ کہ چترال کی ثقافت اور پردہ ان کی صلاحیتوں کی راہ میں رکاوٹ ہے ۔ یہ بالکل بھی ناقابل قبول ہے ۔ صباحت رحیم بیگ نے کہا ۔ کہ پاکستان میں ویمن ایمپاورمنٹ پر کام ہو رہا ہے ۔ لیکن اب بھی بہت کم خواتین کو اپنے اختیار کے بارے میں علم ہے اور نہ با اختیار بننے کی کوشش کی جارہی ہے ۔ انہوں نے کہا ۔ کہ وہ ایک پلیٹ فارم بنانے کی کوشش کر رہی ہیں ۔ اس پلیٹ فارم میں خواتین کو اپنے حقوق کے بارے میں معلومات حاصل کرنے ، سوشل میڈیا میں سٹوڈنٹنس کے اچھے مستقبل کیلئے دستیاب ایپلکیشنز کو آسان وعام فہم بنانے اور کم وسائل کے حامل باصلاحیت سٹوڈنٹس کی ملکی اور بین اقوامی سطح پر سپورٹ ممکن بنائی جائے گی ۔ ایک سوال پر صباحت رحیم بیگ نے بتایا ۔ کہ میری کامیابی اور مجھے پر اعتماد بنانےمیں میرے والدین کا بڑا ہاتھ ہے ۔ انہوں نے کبھی بھی میری مثبت قدم کی مخالفت نہیں کی ۔ بلکہ دل سے مجھے سپورٹ کیا ۔ یہی وجہ ہے کہ مجھے کوئی بھی کام ناممکن نظر نہیں آتا ۔ انہوں نے کہا ۔ کہ وہ چترال کی خواتین خصوصا کالج و یونیورسٹی کی طالبات کو با اختیاربنانے ، آگہی پھیلانے اور فنانشل سپورٹ کیلئے کم عرصے میں ایک پلیٹ فارم قائم کریں گے ۔ جو کہ خواتین کی ترقی کیلئے سنگ میل ثابت ہو گی ۔ واضح رہے ۔ کہ صباحت رحیم بیگ چترال کے معروف صحافی ،ادیب و شاعر محمد رحیم بیگ خاکسار کی صاحبزادی ہیں ۔
تازہ ترین
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ