چترال (محمد رحیم بیگ سے) چترال کے معروف اور مصروف ترین سیاحتی مقام کالاش ویلی بمبوریت میں کیش کی فوری حصول کے لئے اے ٹی ایم کی سہولت نہ ہونے پر باہر سے آنے والے ٹورسٹ انتہائی مشکل میں مبتلا ہیں جنہیں 10ہزار روپے کرائے پر خصوصی گاڑی بک کرکے چترال شہر آنا پڑ رہا ہے۔ سیاحوں کا کہنا ہے کہ اس دور میں کوئی سیاحتی مقام ایسا نہیں ہے جہاں کسی بنک کا اے ٹی ایم مشین موجود نہ ہو اور اس بنا پر وہ اپنے ساتھ ذیادہ کیش نہیں رکھتے لیکن یہاں آنے پر اس بنیادی سہولت کی عدم دستیابی سے پیش آمدہ مشکلات کا سامنا ہوتا ہے۔ ان کامزید کہنا تھاکہ اے ٹی ایم مشین نہ ہونے کی وجہ سے سیاح مشکل میں پھنس کر اس جنت نظیر وادی کے بارے میں منفی تاثر لے کر واپس جانے پر مجبورہوتے ہیں اور یہ بات اس علاقے میں سیاحت کی انڈسٹری پر منفی اثر چھوڑنے کا باعث بن سکتا ہے۔ انہوں نے کہاکہ پشاور روڈ سے خستہ حال روڈ پر کئی گھنٹوں کا اعصاب شکن سفر کرنے کے بعد بمبوریت پہنچنے پر جب انہیں اے ٹی ایم کی سہولت دستیاب نہ ہونے پر انہیں دوبارہ انہی راستوں سے چترال آنے کی ضرورت پڑتی ہے تو اس وقت ان کی ذہنی کیفیت کا اندازہ ہرکوئی بخوبی کرسکتا ہے۔ انہوں نے کہاکہ کسی بھی پرائیویٹ یا پبلک سیکٹر بنک کی ڈپازٹ شاخ بھی اس وادی میں کھولنے سے مقامی کاروباری اور ملازمت پیشہ افراد کی ضرورت پوری ہوسکتی ہے تو اس سے منسلک اے ٹی ایم کا فائدہ سیاحوں کو پہنچ سکتا ہے۔ عوامی حلقوں نے وفاقی وزیر خزانہ اور وزیر سیاحت سے اپیل کی ہے کہ بمبوریت وادی میں بنک برانچ کھولنے یا اے ٹی ایم مشین کی تنصیب کا انتظام کیا جائے جس سے علاقے کی کالاش اقلیت بھی مستفید ہوسکتے ہیں۔
تازہ ترین
- ہوماپر چترال کے علاقہ میراگرام نمبر 1 میں ایک شادی شدہ خاتون نے اپنے کمرے میں گلے میں دوپٹہ ڈال کرخودکشئ کر لی
- مضامینداد بیداد۔۔فلسفی اور قانون دان۔۔ڈاکٹر عنا یت اللہ فیضی
- مضامیندھڑکنوں کی زبان۔۔۔۔محمد جاوید حیات۔۔۔۔خاک میں کیا صورتیں۔۔۔
- ہومچترال کے معروف سماجی شخصیت عظمت عیسی سابق پبلک پراسیکیوٹر انتقال کر گئے
- ہوماپر چترال کے ضلعی ہیڈ کوارٹرزبونی میں مستوج اور موڑکھو تورکھو کے تحصیل چیرمینوں اور ضلع بھر کے 39ویلج کونسلو ں کے چیرمینوں اورمخصوص نشستوں پر منتخب ہونے والے خواتین اور کسان کونسلروں نے اپنے مطالبات کی منظوری کے لئے صوبائی حکومت کو آخری الٹی میٹم دی ہے
- ہومبیورو کریسی میں بڑے پیمانے پر تبادلے، ڈپٹی کمشنر اپر اور لوئر چترال تبدیل، عبد الاکرم ڈپٹی کمشنر کوہاٹ تعینات
- ہومصوبے کے سرکاری ملازمین کی تنخواہوں میں وفاق کی طرز پر اضافہ کرنے جا رہے ہیں۔وزیراعلی خیبرپختونخوا علی امین گنڈاپور
- ہوممہتر چترال اور لویر چترال سے صوبائی اسمبلی کے رکن فاتح الملک علی ناصرکو صوبائی حکومت نے لویر چترال کی ڈسٹرکٹ ڈیویلپمنٹ ایڈوائزری کمیٹی (ڈیڈاک) کا چیرمین مقرر کردیا
- ہومہیومن کیپیٹل انویسٹمنٹ پراجیکٹ کے تحت منتحب اضلاع میں تعلیمی نظام کی بہتری کے لیے انقلابی اقدامات جاری ہیں۔صوبائی وزیر تعلیم فیصل خان ترکئی
- ہومایم این اے عبد اللطیف کی چیرمین این ایچ اے سے ملاقات، ریشن کے مقام پر چترال شندور روڈ کو بچانے کےلئے ہنگامی بنیادوں پر اقدامات اٹھانے کی یقین دہانی