آٹا بحران کے خلاف درو ش میں جلسہ، تین افراد کے خلاف مقدمہ درج۔
دروش(نما یندہ چترال میل) دروش بازار میں چند روز قبل آٹا بحران کے حوالے سے احتجاجی مظاہرہ منظم کرنے والے تین رہنماؤں کے خلاف پولیس نے مقدمہ درج کردیا۔ تفصیلات کے مطابق چند روز قبل دروش بازار چوک میں آٹا بحران کے خلاف احتجاجی مظاہرہ کیا گیا تھا جس میں مقررین نے فلورملز کے خلاف تقاریر کئے تھے اور بزور طاقت فلور ملز کو بند کرنے کا ڈیڈ لائن دیا تھا۔ اس سلسلے میں دروش پولیس نے اصلاحی کمیٹی دیر بالا کے ذمہ داران کی درخواست پر جلسہ کے تین منتظمین حاجی محمد شفاء، قاری فضل حق اور صلاح الدین طوفان کے خلاف مقدمہ درج کر لیا ہے۔ ایف آئی آر کی متن کے مطابق اصلاحی کمیٹی دیر بالا کے صدر شہزاد الرحمن نے پولیس کو درخواست دیتے ہوئے کہا ہے کہ جلسہ کے منتظمین نے دیر کے عوام کے خلاف ہتک آمیز اوراشتعال انگیز تقاریر کرکے دیر اور چترال کے عوام کے درمیان دوریاں پیدا کرنے اور نتیجتاً مسائل پیدا کرنے کی کوشش کی ہے، ماضی میں بھی چند عناصر ایسی حرکتیں کرچکے ہیں۔ اس حوالے سے اصلاحی کمیٹی دیر بالا نے اپنا اجلاس منعقد کرکے ایک مذمتی قرارد منظور کرکے حکومت سے ان عناصر کے خلاف کاروائی کرنے کا مطالبہ کیا ہے۔ درخواست دہندہ نے حاجی محمد شفاء، قاری فضل حق اور صلاح الدین طوفان کو نامزد کرکے انکے خلاف مقدمہ درج کرنے کی درخواست دی ہے۔ دروش پولیس نے مذکورہ درخواست پر کاروائی کرتے ہوئے مذکورہ بالا افراد کے خلاف دفعہ 341، 504 اور 34ت،پ اور 16-MPO کے تحت مقدمہ درج کر لیا ہے۔
تازہ ترین
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا
- ہوماظہار تشکر ۔۔ ہم ان تمام عزیز و اقارب،دوستوں اور بہی خواہوں کے شکر گزار ہیں۔۔حاجی سید احمد بمبوریت و فیملی
- ہوماپر اور لویر چترال کے اضلاع میں ڈسٹرکٹ بار ایسوسی ایشن کے انتخابات مکمل ہوگئے جن میں ساجد اللہ ایڈوکیٹ لویر چترال اور گل مراد خان ایڈوکیٹ اپر چترال کے صدر منتخب ہوگئے
- ہومآغا خان ایجنسی فار ہبیٹاٹ (اکاہ) کے زیر اہتمام مقامی ہوٹل میں منعقدہ ایک تقریب میں کلائمیٹ چینج کے مطابق آبادی کوہر قسم کی صورت حال سے نمٹنے کے لئے تیارکرنے کے موضوع پر ایک روزہ ورکشاپ منعقد ہوا
- ہومصوبے کے ایک لاکھ 15 ہزار غریب افراد میں 10 ہزار روپے فی کس کے حساب سے تقسیم کے لیے عید پیکج کے طور پر ایک ارب 15 کروڑ روپے کے فنڈز جاری کرنے کی بھی منظوری دی