چترال (نما یندہ چترال میل) ائی جی پی خیبر پختونخوا کے وژن اور نو تعینات ریجنل پولیس آفیسر ملاکنڈ ناصر محمود ستی کے خصوصی احکامات کی روشنی میں ڈی پی او لوئر چترال اکرام اللہ خان نے ضلع بھر میں بھر پور کاروائیاں جاری رکھنے کی ہدایات دی ہیں۔ان احکامات کی روشنی میں ایس۔ڈی۔ پی۔او سرکل دروش اقبال کریم کی سربراہی میں ایس۔ایچ۔او تھانہ عشریت انسپکٹر عزیزالدین نے جنرل ہولڈ اپ کے دوران عشریت چیک پوسٹ پر تلاشی کے دوران ایک گاڑی از قسم فلائنگ کوچ نمبری 8404 پشاور سے چترال آتے ہوئے روک کر تلاشی لینے پر گاڑی میں موجود بریف کیس سے 6295 گرام چرس برامد کر لیا گیا۔ ملزمان رات کی تاریکی کا فائدہ اٹھاکر فرار ہوئے تھے جن میں سے ایک ملزم زاہد احمد ولد کبیر خان سکنہ بیرگہ شیشی کوہ دروش کو گرفتار کرلیا گیا ہے جبکہ دوسرے ملزم محمد زبیر ولد زمبول حسین خان سکنہ شیشی کوہ کی تلاش جاری ہے۔ ڈی پی او چترال نے کہا ہے کہ منشیات فروشوں کے لیے ضلع ہذا میں کوئی جگہ نہیں ہے۔ملوث افراد یا تو اس مکروہ دھندے سے باز اجائیں یا ضلع ہذا چھوڑ دیں۔
