چترال (نما یندہ چترال میل) آغا خان رورل سپورٹ پروگرام کے بیسٹ فاروئیر پراجیکٹ کے تحت چترال پریس کلب نے کنٹنٹ رائٹنگ کے موضوع پر تربیتی پروگرام کا اہتمام کیا جس میں لویر چترال سے درجنوں مرد اور خاتون میڈیا پروفیشنلز نے شرکت کی۔ پروگرام کے ریسورس پرسن کمال عبدالجمیل نے کنٹنٹ رائٹنگ پر تفصیلی روشنی ڈالتے ہوئے کہاکہ ہم عصر دنیا میں انفارمیشن ٹیکنالوجی نے انسانی زندگی کی پہلوؤں کو بدل کے رکھ دیا ہے اور دنیا حقیقتاً سمٹ کر ایک گلوبل ویلج بن گئی ہے اور اب جعرافیائی فاصلے بے معنی ہوکر رہ گئے ہیں۔ انہوں نے کہاکہ کنٹنٹ رائٹنگ اس دور جدید میں وہ واسطہ ہے جس سے دنیا کے ایک کونے میں بیٹھا ہوا شخص دنیا کے دوسرے کونے میں واقع ایک کاروباری دفتر یا انفرادی کسٹمر کو اپنی خدمت پیش کرکے ان سے اپنا معاوضہ پسینہ خشک ہونے سے پہلے وصول بھی کرلیتا ہے۔ ان کا کہنا تھاکہ اس وقت دنیا بھر میں 87فیصد مارکیٹرز کنٹنٹ رائٹنگ کی صنف سے استفادہ کرتے ہوئے اپنی جہت کا تعین کرتے ہیں۔ انہوں نے نوجوان میڈیا پروفیشنلز پرکنٹنٹ رائٹنگ کی اہمیت کو واضح کرتے ہوئے کہاکہ اس فن میں مہارت حاصل کرکے وہ اپنی زندگی میں مثبت تبدیلی لاسکتے ہیں جس میں ان کی شخصیت کی ترقی بھی شامل ہے۔ اس موقع پر مشقوں اور گروپ ورک کے ذریعے کنٹٹ رائٹنگ کے بارے میں شرکاء کو تفصیلی ا ور عملی تربیت دی گئی۔ اس تربیتی پروگرام میں یونیورسٹی آف چترال، چترال شہر کے پبلک سیکٹر کالجوں سوشل میڈیا کے بلاگرز طلباء وطالبات، سوشل میڈیا ویب سائٹس کے ذمہ داراں نے گرم چشمہ، کوہ یونین کونسل، ایون اور کالاش وادی اور دروش سے تعلق رکھنے والے نوجوان سوشل میڈیا کے کارکنوں نے شرکت کی۔ انہوں نے اس تربیتی نشست کو اپنے لئے ایک زرین موقع قرار دیا اور اس سے ذیادہ سے ذیادہ فائدہ اٹھانے کے عزم کا اظہار کیا۔ چترال پریس کلب کے صدر ظہیر الدین نے بھی اپنے خطاب میں کنٹنٹ رائنگ کی اہمیت پر روشنی ڈالی اور تربیتی پروگرام میں مالی اعانت کرنے پر اے کے آرایس پی کا شکریہ ادا کیا۔
تازہ ترین
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے
- ہومبارش کی وجہ سے مزید تین دن سکول بند رہیں گے۔ نوٹیفیکیشن جاری
- ہومچترال کے طول وعرض میں گزشتہ 24گھنٹو ں سے مسلسل بارشوں کی وجہ سے مختلف مقامات پر دو افراد جان بحق ہوگئے اور کئی گھرمنہدم ہوگئے
- مضامیندھڑکنوں کی زبان۔۔۔۔۔۔محمد جاوید حیات۔۔۔۔”شاہ خرچیاں سلامت ہیں”
- ہومافتخار شاہ ڈسٹرکٹ پولیس آفیسر چترال لوئر تعینات
- ہومجامعہ اسلامیہ بکرآباد چترال میں جلسہ دستار بندی و تقسیم انعامات کے پروگرام کا انعقاد
- ہومچترال کے معروف صوفی شاعر عبدالغنی خان المعروف دول ماما کو اتوار کے روز ان کے آبائی قبرستان گمبد بروز میں سپرد خاک کیا گیا