چترال (نما یندہ چترال میل) ڈپٹی کمشنر چترال ارشد قیوم برکی نے کہا ہے کہ عوام کے لئے جتنی آسانی اور سہولت فراہم کر سکتے ہیں اس میں کسی قسم کی تاخیر یا کمزوری نہیں کی جائے گی کیو نکہ یہ منصب عوام کی خدمت کیلئے ہمیں ملی ہے۔ چترال کے عوام کو سابقہ طریقہ کار کے مطابق گندم ہی ملنی چاہیئے لیکن ہمیں مجبورا صوبائی حکومت کے احکامات پر عمل کرتے ہوئے ملوں کو بھی گندم فراہم کرنا پڑ رہا ہے۔ ان خیالات کا اظہار انہوں نے چترال پریس کلب کے صدر ظہیرالدین کی قیادت میں صحافیوں کے وفد کی تعارفی ملاقات کے موقع پر خطاب کرتے ہوئے کیا۔ اس موقع پر ایڈیشنل ڈپٹی کمشنر ریلیف عبیداللہ،ایڈیشنل ڈپٹی کمشنر (فنانس اینڈ پلاننگ) انور اکبر اور اسسٹنٹ کمشنر چترال عاطف جالب موجود تھے۔ صحافیوں نے چترال میں لوگوں کو درپیش آٹے کے بحران کے حوالے سے بات کی۔ اور کہا۔ کہ چترال کے گرین گوداموں سے گندم کی خریداری کا ایک مثبت نظام موجود تھا۔ جب سے چکی اور مل کیلئے کوٹے کا سلسلہ چل پڑا ہے۔ تب سے بحرانی کیفیت شروع ہو چکی ہے۔ ہمارے سابق ایم این اے مرحوم شہزادہ محی الدین نے جوٹی لشٹ چترال میں فلور مل کی تعمیر یہ کہہ کر روک دی تھی۔ کہ اس مل کی تعمیر کے بعد چترال میں لوگ گندم خرید نہیں سکیں گے۔ اور فلور ملوں و چکیوں کے ہاتھوں یرغمال ہو گے۔ جن کی بات اب سو فیصد حقیقت بن چکی ہے۔ ڈپٹی کمشنر نے اس بات سے اتفاق کیا اور کہا۔ کہ ایک سسٹم کی موجودگی میں فلور ملوں کی تعمیر سے علاقے کے لوگوں کو سہولت ملنے کی بجائے مزید زحمت اٹھانی پڑ رہی ہے۔ لیکن ہم ملوں کوگندم کی فراہمی مکمل طور پر نہیں روک سکتے۔ کیونکہ یہ صوبائی حکومت کا حکم ہے۔ ہم حتی المقدور عوام کو سہولت دینے کی کوشش کریں گے۔ تاہم انہوں نے کہا۔ کہ اس کیلئے صوبائی سطح پر نمایندگان ہی کوئی رول ادا کر سکتے ہیں۔ ڈی سی چترال نے کہا۔ کہ لواری سے اس طرف منفرد لوگ ہیں۔ اور میں نے چترال کو انتہائی شائستہ اور قابل قدر پایا۔ انہوں نے صحافیوں سے کہا۔ کہ چترال کے مسائل کے حل میں ہماری رہنمائی کے ساتھ ساتھ ہمارے ساتھ تعاون کریں۔ نشست میں ایون کالاش ویلیز روڈ کی لینڈ کمپنسیشن کی آدائیگی کے حوالے سے بھی بات ہوئی۔ جس پر انہوں نے اسسٹنٹ کمشنر کو ہدایت کی۔ کہ ہماری طرف سے بالکل تاخیر نہیں ہونی چاہئے۔ اور متعلقہ تحصیلدار جلد از جلد آدائگیوں کیلئے کام مکمل کرے۔ ڈپٹی کمشنرنے اس موقع پر حالیہ کالاش سنو سپورٹس فیسٹول میں صحافیوں کی شرکت کیلئے سہولیات کی عدم فراہمی کا نوٹس لیا۔ اور آیندہ اس قسم کے ایونٹ میں انہیں سہولیات فراہم کرنے کی ہدایات دیں
تازہ ترین
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما
- سیاستتحصیل کونسل چترال کے اجلاس میں ضلعی انتظامیہ کی طرف سے حالیہ بارشوں کے نتیجے میں ہونے والے نقصانات کی اسیسمنٹ کی تاریخ میں کم ازکم دس دن کی توسیع کا مطالبہ کرتے ہوئے موجودہ طریقہ کار پر بھی عدم اطمینان کا اظہا رکیا گیا
- ہومترال شہر اور مضافات کے سینکڑوں تندورمالکان نے حکومت سے پرزور مطالبہ کیا ہے کہ چترال کی علاقائی مشکلات اورحالات کو پیش نظر رکھ کر روٹی کا پرانا نرخ بحال کردے
- Uncategorizedداد بیداد۔۔۔ڈاکٹر عنا یت اللہ فیضی۔۔۔چارویلو رحمت ولی خان مر حوم
- ہومحالیہ بارشوں اور قدرتی آفات کے حوالے سے چترال سے تعلق رکھنے والے ایم این اے غزالہ انجم وزیر اعظم پاکستان شہباز شریف سے ملاقات کرکے اہالیان چترال کی مشکلات سے آگاہ کیا۔
- ہومحالیہ بارش اور برفبار ی کے نتیجے میں عوامی مشکلات کے بارے میں پارٹی کی ہائی کمان سے رابطہ کرکے فوری طور پر ریلیف پیکج کی فراہمی کا مطالبہ ۔ عبدالولی خان عابد ایڈوکیٹ
- ہومصحافی کسی بھی علاقے میں عوام کے آنکھ اور کان کی حیثیت رکھتے ہیں ۔۔ ڈسٹرکٹ پولیس افیسر لویر چترال افتخار شاہ
- ہوملویر چترال کے دروش ٹاؤن کے گاؤں شیشی آزوردام،حفیظ آباد، جزیر دوری میں کئی دنوں کی مسلسل بارش کی وجہ سے زمین سرک گئی جس کے نتیجے میں تین گھر وں سمیت ایک جامع مسجد مکمل طور پر مٹی تلے دب گئے