چترال (نما یندہ چترال میل) ریجنل پولیس آفیسر ملاکنڈ سجاد خان کا دورہ لوئر چترال ڈی۔۔پی۔او لوئر چترال ناصر محمود, ڈی۔پی۔او اپر دیر طارق سہیل مروت اور ایس۔ایچ۔او تھانہ عشریت و دیگر پولیس افسران نے ار۔پی۔او صاحب کا لواری ٹنل میں پرتپاک استقبال کیا۔ار۔پی۔او ملاکنڈ سجاد خان نے لواری ٹنل میں موجود پولیس ٹورسٹ فسلٹیشین سنٹر کا وزٹ کیا اور سیاحوں کو دی جانی والی سہولیات کا جائزہ لیا اور اس سلسلے میں عملے کو مزید بہتر سہولیات دینے کی خاطر احکامات جاری کئے۔آر۔پی۔او صاحب نے کہا کہ چترال کا شمار خیبر پختونخواہ کے خوبصورت مقامات میں ہوتا ہے اپنی منفرد ثقافت اور خوبصورتی کی وجہ سے سیاحوں کو اپنی طرف کھینچ لاتا ہے سالانہ ہزاروں کی تعداد میں ملکی و غیر ملکی سیاح چترال کا رخ کرتے ہے۔لوئر چترال کے مخلتف مقامات پر موجود پولیس ٹورسٹ فسلٹیشین سنٹر میں سیاحوں کو سہولیات دینے کے ساتھ ساتھ ان کی رہنمائی بھی کی جاتی ہے۔ اور مستقبل میں مزید ٹورسٹ فسلٹیشین سنٹر قائم کئے جائیں گے تاکہ چترال میں سیاحت کے شعبے کو مزید فروغ مل سکے ,
