چترال (نما یندہ چترال میل) صوبائی محتسب خیبر پختونخوا سیکرٹریٹ نے سوشل ویلفئیر ڈیپارٹمنٹ اور ضلعی انتظامیہ کی معاونت سے ‘کام کے مقام پر ہراسیت کے خلاف خواتین کا تحفظ ‘کے موضوع پر یک روزہ سیمینار منعقد کی جس میں سول سوسائٹی کے نمائندوں نے کثیر تعداد میں شرکت کی جس میں صوبائی خاتون محتسب رخشندہ ناز نے مختلف شعبہ جات کے ذمہ داروں کے ہمراہ خصوصی طور پر شرکت کی۔ انہوں نے شرکاء سے خطاب کرتے ہوئے کہاکہ خاتون محتسب کا ادارہ خواتین کے تحفظ کے لئے صوبائی اسمبلی میں پاس شدہ قوانین پر عملدرامد کرتے ہوئے صوبے میں خواتین کو ہراسیت کے خلاف تحفظ فراہم کرنے کے ساتھ ساتھ خواتین کی جائیداد کے حقوق کو عصب ہونے سے روکنے کے لئے کام کرتی ہے۔ انہوں نے کہاکہ صوبے کے طول وعرض میں اس ادارے کے بارے میں آگہی پھیلانے کی ضرورت ہے تاکہ کوئی بھی ستم رسیدہ خاتون اس فورم سے رجوع کرکے داد رسی حاصل کرسکے۔ انہوں نے تفصیل سے ادارے کی کارکردگی بیان کرتے ہوئے بتایاکہ کام کے جگہے پر ہراسیت اور جائیداد کے مجموعی طور پر ایک ہزار سے ذیادہ کیسز میں شکایات محتسب سیکرٹریٹ نے وصول کرتے ہوئے ان پر کاروائی کی اور ضلعی انتظامیہ اور پولیس کی مدد سے فیصلہ جات پر عملدارمد کروائے۔ڈائرکٹر جنرل آف لاء اینڈ ہیومن رائٹس خیبر پختونخوامقصود علی اور نیشنل کمیشن فار ہیومن رائٹس اسلام آباد رضوان اللہ نے بھی شرکاء کو محتسب سیکرٹریٹ اور دوسرے متعلقہ اداروں کے درمیان تعلق کار کے بارے میں بتاتے ہوئے کہاکہ صوبائی اسمبلی نے قانون سازی کے ذریعے ہر سرکاری محکمہ اور غیر سرکاری ادارے پر لازم کردیا ہے کہ وہ ہراسیت کے سدباب کے لئے تین رکنی کمیٹی تشکیل دے تاکہ ہراسیت کے شکار افراد فوری طور پر اس کمیٹی کے سامنے شکایت کرسکے۔ اس موقع پر ڈسٹرکٹ افیسر سوشل ویلفئیر اینڈ ویمن امپاورمنٹ نصرت جبین نے کہاکہ ان کا محکمہ گراس روٹ لیول پر ہیومن رائٹس اور حقوق خواتین کے تحفظ کے سلسلے میں ہراول دستے کا کردار اداکرتی ہے اور دارالامان سمیت مختلف منصوبوں کے ذریعے عملی خدمات انجام دے رہی ہے۔ پروگرام کے مہمان خصوصی ایڈیشنل ڈپٹی کمشنر (جنرل) محمد حیات شاہ نے صوبائی محتسب کے ادارے کی خدمات کو گرانقدر قرار دیتے ہوئے کہاکہ خواتین کو ان کا جائز مقام اور حقوق دلوانے اور ان میں تحفظ کا احساس پیدا کرنے میں اس ادارے کو مزید وسائل اور قانون سازی کے ذریعے مضبوط کرنے کی ضرورت ہے۔ا نہوں نے کہاکہ چترال جیسے دوردراز اضلاع میں صوبائی محتسب کے ادارے کے بارے میں جامع آگہی پھیلانے کی ضرورت ہے جہاں آبادی کی اکثریت کو اس مفید اور فعال ادارے کے بارے میں معلومات میسر نہیں ہیں جس کی وجہ سے وہ اس سے مستفید نہیں ہوسکتے۔ انہوں نے خواتین کے جائیداد کے تحفظ کے سلسلے میں ادارے کی کردار کو نہایت مفید قرار دیا اور کہاکہ چترال میں اس فورم سے فائدہ اٹھانے والے سب سے ذیادہ ہوں گے۔ا نہوں نے کہاکہ ضلعی انتظامیہ میں تعینات ایڈیشنل ڈپٹی کمشنر (ریلیف اینڈ ہیومن رائٹس) کو اس ادارے کے لئے فوکل پرسن مقرر کرکے اسے منظم خطوط پر استوار کرنے کی تجویز پیش کی۔ اس نوعیت کا پروگرام جمعرات کے دن اپر چترال ضلع کے ہیڈ کوارٹرز بونی کے مقام پر بھی ہوگا۔
تازہ ترین
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے
- ہومڈپٹی کمشنر اپر چترال محمد عرفان الدین کے دفتر میں مختلف آفات کے سبب فوت ہونے والوں کے لواحقین میں امدادی چیک تقسیم کئے گئے
- ہوملویر چترال میں حفاظتی ٹیکے کا عالمی ہفتے کا آغاز آگہی واک سے کردیا گیا
- ہومداد بیداد۔۔ڈاکٹر عنا یت اللہ فیضی۔۔عبد الغنی دول ما ما