چترال (نمائندہ چترال میل) بمبوریت وادی سے پی ٹی آئی کے دیرینہ کارکن شریف احمد لال نے سوشل میڈیا میں اپنے بارے میں اس خبر کو گمراہ کن اور من گھڑت قرار دیا ہے جس میں انہیں پی ٹی آئی کو چھوڑ کر جے یو آئی میں شمولیت اختیار کرنے کی افواہ پھیلائی گئی ہے۔ ایک اخباری بیان میں انہوں نے اس خبر کی سخت تردید کرتے ہوئے کہا ہے کہ وہ 2007ء سے پی ٹی آئی کے بانی کارکنوں میں شامل ہیں اور اپنے قائد عمران خان کو چھوڑ کراور کہیں جانے کا سوچ بھی نہیں سکتے اور یہ کہ وہ کل بھی اس پارٹی میں تھا، آج بھی ہیں اور آنے والے کل بھی اسی پارٹی میں رہیں گے۔ انہوں نے کہاکہ بحیثیت انسان ہرکوئی دوسری سیاسی جماعت کے رہنماؤں اور کارکنوں سے ذاتی تعلق رکھ سکتا ہے اور جس بات کو بنیاد بناکر ان پر پارٹی چھوڑنے کا بہتا ن لگایا جارہا ہے وہ حقیقت سے دور اور بعض افراد کی منفی سوچ کا نتیجہ ہے۔ انہوں نے مزید وضاحت کرتے ہوئے کہاکہ پچھلے دنوں انہوں نے ایک نجی محفل میں جے یو آئی سے تعلق رکھنے والے چند دوستوں کے ساتھ مل کرایک سوشل اجتماع کے موقع پر گروپ فوٹو گرافی میں شامل ہوا تھا جس کا سیاست کا کوئی تعلق نہیں تھا۔ انہوں نے کہاکہ ایسی من گھڑت خبریں پھیلا نے والے پارٹی کی کوئی خدمت نہیں بلکہ اسے نقصان پہنچانے کی کوشش کررہے ہیں اور انہیں ایسی حرکات اور منفی سرگرمیوں سے باز آنا چاہئے اور بلدیاتی انتخابات کے اس نازک موقع پر اس قسم کی شرارتوں کی کوئی گنجائش نہیں ہے۔ انہوں نے وزیر اعظم عمران خان کی قیادت پر اپنی غیر متزلزل اعتماد کا اظہار کرتے ہوئے کہا انہیں اس بات کی یقین دہانی کرائی کہ وہ تاحیات ان کا سپاہی بن کررہنے پر فخر محسوس کریں گے۔
تازہ ترین
- ہومچترال میں ٹیکس کے نفاذ کو مسترد کرتے ہوئے چترال کو پچاس سال مزید ٹیکس سے مثتثنی قرار دینے کا مطالبہ۔ پریس کانفرنس
- مضامیندھڑکنوں کی زبان۔۔۔محمد جاوید حیات۔۔۔”تعلیم کے دورازے اور غریب“..
- ہوممالاکنڈ ڈویژن میں مجوزہ ٹیکسوں کے نفاذ کے حوالے سے گورنر خیبر پختونخواہ نے اجلاس طلب کر لیا ہے۔ انجنئیر فضل ربی جان صدر پی پی پی
- ہومانتقال پرملال۔۔مفتاح الدین (المفتاح مڈیسن اسٹور اتالیق بازار چترال)ساکن زرگراندہ طویل علالت کے بعد انتقال کرگئے
- ہومڈھائی ہزار سال قدیم کالاش فیسٹول جو شی (چلم جوشٹ) ڈھول کی تھاپ پر نوجوان مردو خواتین کی گلے میں باہیں ڈال کر رقص،سریلی گیتوں اور اپنی رنگینیوں کے ساتھ کالاش ویلی بمبوریت کے مرکزی مقام بتریک میں اختتام پذیر ہوا
- ہومڈی۔پی۔او آفس بلچ لوئر چترال میں ہفتہ وار اردلی روم کا انعقاد کیا گیا۔
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی