چترال (نمائندہ چترال میل) لٹکوہ گبور بخ کے رہائشی قاضی فضل مولیٰ نے وزیر اعظم، آرمی چیف، وزیر اعلیٰ خیبر پختونخوا اور کورکمانڈر پشاور سے اپیل کی ہے کہ محمد حسین نامی شخص سے گبور کے عوام کو نجات دلائی جائے جوکہ نہ صرف علاقے میں دہشت کی علامت بن چکے ہیں بلکہ سرکاری ڈسپنسری، چیک پوسٹ اور سرکاری سکول کی زمین کو فروخت کردیا ہے اور یہاں تک سرکاری سڑک پر اس شخص نے قبضہ جما کر اسے اپنے استعمال میں لایا ہے۔ ہفتے کے روز چترال پریس کلب میں ایک پریس کانفرنس سے خطاب کرتے ہوئے انہوں نے کہا کہ لوٹ کوہ سے ضلع کونسل کے سابق ممبر محمد حسین کے ہاتھوں گبور کے عوام کی زندگی اجیرن ہوچکی ہے اور وہ اب اس بااثر شخص کی ظلم وذیادتیوں سے تنگ آکر علاقے سے ہجرت کرنے پر مجبور ہورہے ہیں۔ انہوں نے کہاکہ یہ شخص اپنی شاطرانہ چالوں سے ہر طرف سرکاری اور غیر سرکاری زمینوں پر قبضہ جمالیتا ہے اور اپنی راہ میں رکاوٹ بننے والوں کو اتنا مجبور کرتا ہے کہ وہ یا تو چپ چاپ بیٹھ جاتے ہیں یا تو علاقہ چھوڑ کرجاتے ہیں۔ انہوں نے کہا کہ قبضہ مافیا کا سرغنہ محمد حسین نے گبور کے سرمائی چراگاہ میں مال مویشی چرانے والوں سے سالانہ دس سے پندرہ لاکھ روپے تک قلنگ (ٹیکس) لیتا ہے حالانکہ یہ چراگاہیں مشترک ہیں۔ انہوں نے کہاکہ ان کی ہر غیر قانونی کاروائی میں حکومتی ادارے ان کی پشت پناہی کررہے ہیں جس کی وجہ سے ان کی منفی سرگرمیاں بڑھتی جارہی ہیں۔ فضل مولیٰ نے کہاکہ یہ شخص اپنی منفی کرتوت چھپانے کے لئے وہ خواتین اور بچوں کو تھانوں اور پریس کلب لانے سے بھی نہیں کتراتے اوران کو انسانی ڈھال کے طور پر استعمال کرتے ہیں۔
تازہ ترین
- ہومتعلیمی اداروں میں موسم بہار کی تعطیلات کا اعلان
- ہومخیبرپختونخوا حکومت نے رواں سال ترچ میر سال کے طور منانے اور چترال میں سالانہ ترچ میر فیسٹیول شروع کرنے کا اعلان
- ہومموجودہ ملکی صورتحال کے پیش نظر لوئر چترال میں موجود چائنیز ورکرز اور حساس مقامات کی سکیورٹی کو مزید بہتر بنانے کے سلسلے میں خصوصی میٹنگ کا انعقاد
- ہومٹی بی کے عالمی دن کے مناسبت سے ڈسٹرکٹ ہیڈکواٹرہسپتال ضلع لوئرچترال میں ضلعی ٹی بی کنٹرول پروگرام اورایسوسی ایشن فارکمیونٹی ڈیویلپمنٹ (اے سی ڈی)کے زیرانتظام ایک آگاہی سمینار
- ہومبروغل میں شدید برفباری کے نتیجے میں غذائی قلت کے خطرے کو ٹالنے کے لئے لحہ محمود فاؤنڈیشن نے راشن پیکج سے بھری درجنوں گاڑیاں یارخون لشٹ کی طرف روانہ کردیا۔
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”یوم پاکستان کی تقریبات اور میرے آنسو“۔
- ہومقدرتی ماحول کی حفاظت کیلئے درختوں کی حفاظت کرنا اور پودے لگانا بہت ضروری ہے۔خطیب شاہی مسجد چترال مولانا خلیق الزمان کاکاخیل کا جمعہ کے اجتماع سے خطاب
- ہومڈی پی او لوئر چترال قمر حیات خان نے ٹریفک قوانین سے متعلق اگاہی مہم کے ساتھ ساتھ عملدرآمد کا سلسلہ شروع کیا ہے.
- ہوم21 مارچ 2024 عالمی یوم جنگلات کے حوالے سے ہیڈ کوارٹر چترال سکاؤٹس میں شجرکاری مہم کے حوالے سے تقریب کا انعقاد۔
- ہوموائس چانسلر یونیورسٹی آف چترال پروفیسر ڈاکٹر ظاہر شاہ صاحب کا ٹینیور مکمل ہونے کے موقع پر چترال یونیورسٹی ٹیچرز ایسوسی ایشن (CUTA) کی جانب سے ان کے اعزاز میں الوداعی افطار ڈنر اور تقریب کا انعقاد کیا گیا