چترال ( نما یندہ چترال میل) لویر چترال میں آٹھ سکولوں میں مجموعی طور پر 65طلباء طالبات کا کورونا ٹیسٹ مثبت آنے پر ان سکولوں میں لاک ڈاؤن کرتے ہوئے انہیں بند کردئیے گئے جن میں چار پبلک سیکٹر اور چار پرائیویٹ سیکٹر کے بوائز اور گرلز سکول شامل ہیں۔ڈسٹرکٹ ہیلتھ افیسر چترال لویر کے دفتر سے حاصل شدہ معلومات کے مطابق ان سکولوں میں گورنمنٹ گرلز ہائی سکول ایون، گورنمنٹ ہائی سکول عشریت، گورنمنٹ گرلز ہائی سکول دروش، گورنمنٹ پرائمری سکول کال کٹک، فرنٹئرکور پبلک سکول دروش، آغا خان سکول اوچو گرم چشمہ، آغا خان سکول بگشٹ اور الناصر پبلک سکول گرم چشمہ شامل ہیں۔