چترال(نما یندہ چترال میل) پولیو خاتمہ کے لئے ضلعی کمیٹی (ڈپیک) چترال کے غیر معمولی اجلاس میں 20ستمبر سے شروع ہونے والی پولیو ویکسینشن مہم کی تیاریوں اور گزشتہ مہم کا جائزہ لیا گیا جس میں ارندو، چترال ٹو، شیشی کوہ، ایون اور بروز کے یونین کونسلوں میں سوفیصد کوریج نہ ہونے کی وجہ ناقص مارکر قرار دئیے گئے جن کی سیاہی فوری طور پر مٹ جانے کی وجہ سے مانٹیرنگ ٹیموں نے انہیں غیر ویکسین شدہ قرار دیا تھا۔ ڈپٹی کمشنر لویر چترال حسن عابد کی صدارت میں منعقد ہ اس اجلاس میں ڈسٹرکٹ کوارڈینیٹرای پی آئی ڈاکٹر فرمان نظار نے اجلاس کو بتایاکہ لویر چترال میں گھرانوں کی تعداد 38827جبکہ ٹارگٹ پاپولیشن 44512ہے۔ انہوں نے بتایاکہ ارندو یونین کونسل میں ویکسنینش ٹیم میں جوابدہ سرکاری افراد دستیاب نہیں ہیں۔ اجلاس میں اسسٹنٹ ڈائرکٹر لوکل گورنمنٹ عمر فاروق کنڈی کے سوا ڈسٹرکٹ ہیلتھ افیسر لویر چترال اور ڈی پی او سمیت کسی بھی سرکاری محکمے کا ضلعی ہیڈ موجود نہ تھا۔ اجلاس میں مائیکروپلان اور سیکورٹی پلان سمیت دوسرے امور زیر بحث آئے۔ اس موقع پر ڈی سی چترال لویر حسن عابدنے کہاکہ پولیو مہم کو مکمل طور پر مربوط نظم کے ساتھ چلانے کی ضرورت ہے جس میں کسی غلطی کی گنجائش نہ ہو۔ انہوں نے کہاکہ پولیو ایک قومی ایمرجنسی ہے جس کے خاتمے کے لئے انتہائی خلوص نیت اور سنجیدگی سے قدم لینے کی ضرورت ہے تاکہ وطن عزیز بھی ان ممالک کی صف میں فخر کے ساتھ کھڑا ہوسکے جہاں اس موذی مرض کا خاتمہ ہوگیا ہے۔ اجلاس میں ڈبلیو ایچ او کے امیونائزیشن افیسر ڈاکٹر سلیم سیف اللہ خان، ڈسٹرکٹ خطیب مولانا فضل مولیٰ، ایڈیشنل اے سی حفیظ اللہ بھی موجود تھے۔
تازہ ترین
- ہومڈسٹرکٹ پولیس آفیسر لوئر افتخار شاہ کے زیر نگرانی منشیات فروشوں کے خلاف کاروائیوں کا سلسلہ جاری ہے۔
- ہومہزاروں سال قدیم کالاش تہوار “چلم جوشٹ ” پورے جوش و خروش کے ساتھ وادی رمبور کے معروف ڈانسنگ پلیس (چھارسو) گروم میں شروع ہوا۔
- کھیل*چیف سیکرٹری خیبرپختونخوا ندیم اسلم چوہدری کی زیر صدارت شندور پولو فیسٹیول کے انتظامات کے حوالے سے اجلاس کا انعقاد*
- ہوملوئر چترال میں 9 مئی کے حوالے سے ایک ریلی نکالی گئی
- مضامینداد بیداد۔۔۔ڈاکٹر عنا یت اللہ فیضی۔۔۔۔شراکت داری اور تر قی
- ہومپولیس اسٹیشن دروش کی کامیاب کاروائی 11 کلو سے زائد چرس برآمد
- مضامینداد بیداد۔۔ڈاکٹر عنا یت اللہ فیضی ۔۔۔پرستان قبل از اسلا م
- تعلیمیونیورسٹی آف چترال کی طرف سے بی ایس پروگرام کی فیسوں میں 57فیصد اضافے کے خلاف طلباء وطالبات سراپا احتجاج بن کر اسے انتہائی ظالمانہ قرار دیتے ہوئے صوبائی حکومت سے پرزور مطالبہ کیا ہے کہ چترال میں غربت اور بے روزگاری کو مدنظر رکھتے ہوئے اس فیصلے کو فوری طور پر واپس لیا جائے
- ہوممادری زبانوں کے تحفظ اور ترقی کیلئے کام کرنے والا ادارہ فورم فار لینگویج انشیٹیوز کے زیر انتظام چترال میں ایک کثیراللسانی مہرکہ منعقد ہوا۔
- مضامینداد بیداد ۔۔۔ڈاکٹر عنا یت اللہ فیضی۔۔ما ضی کا پشاور