چترال (نمائندہ چترال میل) گرم چشمہ کے نواحی گاؤں ژیتور اور سانیک کے عمائیدین نے ایریگیشن ڈیپارٹمنٹ کے ذریعے دو کروڑ روپے کے سائفن ایریگیشن اسکیم کی منظوری کو پی ٹی آئی حکومت کا تاریخی کارنامہ قرار دیتے ہوئے کہا ہے کہ قیام پاکستان کے بعد یہ اس علاقے میں سب سے بڑا ترقیاتی منصوبہ ہے جہاں عوام پانی کی ایک ایک بوند کو ترس رہے تھے جوکہ شہزادہ امان الرحمن کی انتھک کوششوں کی وجہ سے ممکن ہوگئی ہے اور اس منصوبے کی مخالفت کرنے والے دراصل پی ٹی آئی کے سیاسی حریف ہیں۔ منگل کے روز چترال پریس کلب میں ایک پریس کانفرنس سے خطاب کرتے ہوئے گلاب خان، رئیس عبدالجلیل، ماسٹر ادینہ خان، سید ولی شاہ، گل رحمن، اقبال الدین، حضور شاہ، رئیس عبدالغفار اور دوسروں نے کہاکہ گزشتہ دنوں اس عظیم منصوبے کی مخالفت کرکے اسے بند کرنے کا مطالبہ کرنے والوں میں محمد نواز پی پی پی، مفتی اسرار جے یو آئی اور شیر ولی کاتعلق مسلم لیگ (ن) سے ہے جونہیں چاہتے کہ پی ٹی آئی کے دور حکومت ایسے منصوبے پایہ تکمیل کو پہنچ سکیں جس سے ان کی سیاسی دکان کو بند ہونے کا خطرہ لاحق ہوتا ہے۔ انہوں نے کہاکہ اگر اس منصوبے کو بند کر دیا گیاتواس کے بھیانک نتائج برامد ہوں گے کیونکہ ژیتور سن کے 54گھرانے اس سے شدید متاثر ہوں گے۔ انہوں نے کہاکہ مخالفین کی طرف سے شہزادہ امان الرحمن پر غیر آباد زمین پر قبضہ کرنے کا الزام من گھڑت اور بندنیتی پر مبنی ہے۔ انہوں نے کہاکہ ایک طرف چند ماہ قبل مخالفین نے شہزادہ امان کے خلاف قرار داد پاس کرتے ہوئے اس پر الزام لگایا تھاکہ وہ صرف اپنی غیر آباد زمین کے لئے یہ منصوبہ شروع کیا ہے جبکہ اب 1975ء کی نوٹیفیکیشن کا سہار ا لے رہے ہیں اور یہ دو متضاد باتیں ان کی جھوٹ اور بوکھلاہٹ کو صاف ظاہر کررہے ہیں۔ انہوں نے کہاکہ ژیتور گاؤں میں وخت گاؤں کے وہ گھرانے بھی شامل ہیں جوکہ یہاں مٹی کے تودے گرنے کے خطرے کے پیش نظر نقل مکانی کئے تھے جہاں 2015ء میں ایک گھرانے کے پانچ افراد لقمہ اجل بن گئے تھے۔ ژیتور کے عمائیدین نے منصوبے پر دوبارہ کام شروع کرکے اسے جلد مکمل کرنے کی اپیل کی۔
تازہ ترین
- ہومتعلیمی اداروں میں موسم بہار کی تعطیلات کا اعلان
- ہومخیبرپختونخوا حکومت نے رواں سال ترچ میر سال کے طور منانے اور چترال میں سالانہ ترچ میر فیسٹیول شروع کرنے کا اعلان
- ہومموجودہ ملکی صورتحال کے پیش نظر لوئر چترال میں موجود چائنیز ورکرز اور حساس مقامات کی سکیورٹی کو مزید بہتر بنانے کے سلسلے میں خصوصی میٹنگ کا انعقاد
- ہومٹی بی کے عالمی دن کے مناسبت سے ڈسٹرکٹ ہیڈکواٹرہسپتال ضلع لوئرچترال میں ضلعی ٹی بی کنٹرول پروگرام اورایسوسی ایشن فارکمیونٹی ڈیویلپمنٹ (اے سی ڈی)کے زیرانتظام ایک آگاہی سمینار
- ہومبروغل میں شدید برفباری کے نتیجے میں غذائی قلت کے خطرے کو ٹالنے کے لئے لحہ محمود فاؤنڈیشن نے راشن پیکج سے بھری درجنوں گاڑیاں یارخون لشٹ کی طرف روانہ کردیا۔
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”یوم پاکستان کی تقریبات اور میرے آنسو“۔
- ہومقدرتی ماحول کی حفاظت کیلئے درختوں کی حفاظت کرنا اور پودے لگانا بہت ضروری ہے۔خطیب شاہی مسجد چترال مولانا خلیق الزمان کاکاخیل کا جمعہ کے اجتماع سے خطاب
- ہومڈی پی او لوئر چترال قمر حیات خان نے ٹریفک قوانین سے متعلق اگاہی مہم کے ساتھ ساتھ عملدرآمد کا سلسلہ شروع کیا ہے.
- ہوم21 مارچ 2024 عالمی یوم جنگلات کے حوالے سے ہیڈ کوارٹر چترال سکاؤٹس میں شجرکاری مہم کے حوالے سے تقریب کا انعقاد۔
- ہوموائس چانسلر یونیورسٹی آف چترال پروفیسر ڈاکٹر ظاہر شاہ صاحب کا ٹینیور مکمل ہونے کے موقع پر چترال یونیورسٹی ٹیچرز ایسوسی ایشن (CUTA) کی جانب سے ان کے اعزاز میں الوداعی افطار ڈنر اور تقریب کا انعقاد کیا گیا