گر م چشمہ (نمائندہ چترال میل) این ایچ اے کے حوالے ہونے کے بعد گرم چشمہ روڈ کی حالت پہلے سے زیادہ خراب ہوگئی ہے۔ گرم چشمہ روڈ پر موجود تین چھوٹے چھوٹے پل تاحال مرمت نہ ہوسکے۔ علاقے کے لوگوں کے شدید احتجاج اور میڈیا پر حالت کی سنگینی کے بارے میں بار بار خبریں نشر ہونے کے بعد این ایچ اے کے ذمہ داروں نے پلوں کی تعمیر کے لئے کسی ٹھیکہ دار سے بات کی مگر ٹھیکہ دار خود آکر کام کرنے کے بجائے ایک ترکان کو پل کی تعمیر کا ٹھیکہ بیچ دیا۔مذکورہ ترکان نے پل کو کھولنے کے 72 گھنٹے بعد بھی پل کی تعمیر کا کام شروع نہیں کروا سکا۔ دو دن کے احتجاج کے بعد آج مذکورہ ترکان پل کے سائٹ پر آیا اور ٹوٹے ہوئے شہتیر جوڑکر پل تعمیر کرنے کی کوشش کرنے لگا۔ جس پر علاقے کے لوگوں نے شدید احتجاج کیا۔ علاقے کے لوگو ں کا موقف تھا کہ مذکورہ پل کے تمام شہتیر بیچ میں سے ٹوٹ چکے ہیں اور کناروں سے کیڑے لگنے کی وجہ سے قابل استعمال نہیں رہے۔ اس لئے پل کی تعمیر نئے شہتیر لا کر باقاعدہ این ایچ اے کے انجینئرز کی موجودگی میں کیا جائے۔ اب تک نہ تو این ایچ اے کا کوئی انجینئر مذکورہ پل کے سائٹ کا دورہ کیا ہے اور نہ ہی کام کے کوالٹی چیک کرنے کے لئے کوئی اور ذمہ دار موجود ہے۔علاقے کے لوگوں نے ہمارے نمائندے سے بات کرتے ہوئے کہا کہ اگر پل کی تعمیر میں تاخیر کا سلسلہ جاری رہا اور اسی طرح ناقص تعمیری کام جاری رہا تو این ایچ اے کے خلاف شدید احتجاج کیا جائے گا۔ مذکورہ ٹھیکہ دار وہی پرانے شہتیر جو کہ نوے فیصد ٹوٹ چکے ہیں ان کے اوپر رنگ و روغن کرکے دوبارہ سے لگا کر پیسے بٹورنا چاہ رہا ہے۔ جس کی علاقے کے لوگ ہر گز اجازت نہیں دیں گے۔ ہم ایم این اے، ایم پی اے، وزیر زادہ، ضلعی انتظامیہ اور این ایچ اے کے حکام سے اس سلسلے میں فوری ایکشن لینے کا مطالبہ کرتے ہیں ورنہ علاقے میں تمام تر احتجاج اور حالت کی خرابی کی ذمہ داری مذکورہ اداروں اور افراد پر ہوگی۔
تازہ ترین
- مضامینداد بیداد۔۔۔ڈاکٹر عنا یت اللہ فیضی ۔۔۔تبدیلیوں پر پا بندی
- کھیلاپر چترال میں جشن کا غ لشٹ آج جمعرات کے روز شروع ہوگئی
- مضامیندھڑکنوں کی زبان۔۔۔۔محمد جاوید حیات۔۔۔۔۔۔۔۔”ہمارے ہاں خدمت کا صلہ“۔۔۔۔
- مضامینداد بیداد ۔۔۔۔ڈاکٹر عنا یت اللہ فیضی۔۔۔۔مزدوروں کا دن
- ہومتھانہ ایون کی حدود میں لویر چترال پولیس نے منشیات کے خلاف کریک ڈاون کے دوران کالاش وادی رمبور میں کالاش قبیلے سے تعلق رکھنے والے کرنل کے بیٹے میجر کو دیسی شراب کی بڑی مقداروادی سے چترال شہر ٹرانسپورٹ کرنے کی پاداش میں رنگے ہاتھوں گرفتارکرلیا۔
- مضامینداد بیداد۔۔۔۔ڈاکٹر عنا یت اللہ فیضی۔۔۔انسا نی حقوق کا آئینہ
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”زندگی سے ڈرو“۔۔
- سیاستلویر چترال میں تحصیل چیرمین دروش کے الیکشن میں پی ٹی آئی کا حمایت یافتہ امیدوار سید فریدجان ایڈوکیٹ نے غیر حتمی اور غیر سرکاری نتائج کے مطابق کامیابی حاصل کی ہے۔
- مضامینداد بیداد۔۔ڈاکٹر عنا یت اللہ فیضی۔۔نظر آنے والے کام
- ہومچترال کے معروف صحافی گل حماد فاروقی ہفتے کی صبح ڈسٹرکٹ ہیڈ کوارٹرز ہسپتال چترال میں اچانک حرکت قلب بند ہونے سے انتقال کرگئے