چترال (نما یندہ چترا ل میل) معاون خصوصی وزیر اعلی خیبر پختونخوا وزیر زادہ اور کمشنر ملاکنڈ ڈویژن سید ظہیرالاسلام شاہ نے کالاش ویلی بمبوریت میں کھلی کچہری سے خطاب کرتے ہوئے یقین دھانی کرائی ہے کہ کالاش ویلیز روڈ کی تعمیر آیندہ سال کے اوائل میں شروع ہو گی اور این ایچ اے کے زیر نگرانی ایک معیاری روڈ تعمیر کیا جائے گا۔ یہ روڈ بعض ٹیکنیکی مسائل کی بنا پر تاخیر کا شکار ہوا ہے۔ انہوں نے بی ایچ یو بمبوریت میں روٹیشن پر ڈاکٹر کی تعیناتی کیلئے ڈی ایچ او چترال کو ہدایت کی اور کہاکہ کالاش ویلیز سیاحتی مقامات ہیں۔ یہاں ڈاکٹر کا ہونا از بس ضروری ہے اس لئے ڈاکٹروں کی کمی کے باعث روٹیشن پر ڈاکٹر فراہم کی جاسکتی ہے۔ اس موقع پر کمشنر ملاکنڈ ڈویژن نے معاون خصوصی وزیر زادہ کی طرف سے چترال کی ترقی کیلئے کی جانے والی کوششوں کو سراہا اور کہاکہ کئی منصوبے وزیرزادہ کی ذاتی دلچسپی اور کوششوں کے نتیجے میں ممکن ہوئے ہیں۔ قبل ازین کھلی کچہری میں کالاش ویلیز کے مسائل کے حوالے سے سابق ممبر ڈسٹرکٹ کونسل ایون عبد المجید قریشی نے سپاسنامہ پیش کرتے ہوئے کالاش ویلیز روڈز، سید آباد میں چترال یونیورسٹی کی بلڈنگ کی تعمیر شروع کرنے، ہائیر سکینڈری سکول بمبوریت کی فوری تکمیل کرکے طلبہ کو داخلہ دینے، صحت کی سہولیات کی فراہمی اور وادی کے اندر مقامی لوگوں کی تعمیرات پر پابندی سے متعلق عوامی خدشات و مشکلات سے مہمانوں کو آگاہ کیاور کہاکہ انتظامیہ کی طرف سے کھلی کچہری کا انعقاد کرکے اس میں مسائل حل کرنے کی یقین دھانی کی جاتی ہے۔ لیکن عملدر آمد نہ ہونے کے برابر ہے۔ جس سے عوام میں حکومت اور اداروں کے خلاف بد اعتمادی پیدا ہوتی ہے اس لئے کھلی کچہری میں ہونے والے فیصلوں پر عملدرآمد کو یقینی بنایا جائے۔ ان کی طرف سے تعمیرات کے بارے میں اٹھائے گئے سوال کے جواب میں کمشنر ملاکنڈ نے ہدایت کیکہ کالاش ویلیز کا ایک خاص کلچر ہے اس لئے یہاں تعمیر ہونے والے تمام مکانات ثقافتی آرکیٹکچر کے مطابق تعمیر ہونے چاہیں۔ انہوں نے کہا کہ مقامی لوگوں کی تعمیرات پر کوئی پابندی نہیں۔ تاہم یہ کلچر کے مطابق ہونے چاہیں اور اس کیلئے سب سے اچھا ماڈل کالاشہ دور کی بلڈنگ ہے۔
تازہ ترین
- ہومتعلیمی اداروں میں موسم بہار کی تعطیلات کا اعلان
- ہومخیبرپختونخوا حکومت نے رواں سال ترچ میر سال کے طور منانے اور چترال میں سالانہ ترچ میر فیسٹیول شروع کرنے کا اعلان
- ہومموجودہ ملکی صورتحال کے پیش نظر لوئر چترال میں موجود چائنیز ورکرز اور حساس مقامات کی سکیورٹی کو مزید بہتر بنانے کے سلسلے میں خصوصی میٹنگ کا انعقاد
- ہومٹی بی کے عالمی دن کے مناسبت سے ڈسٹرکٹ ہیڈکواٹرہسپتال ضلع لوئرچترال میں ضلعی ٹی بی کنٹرول پروگرام اورایسوسی ایشن فارکمیونٹی ڈیویلپمنٹ (اے سی ڈی)کے زیرانتظام ایک آگاہی سمینار
- ہومبروغل میں شدید برفباری کے نتیجے میں غذائی قلت کے خطرے کو ٹالنے کے لئے لحہ محمود فاؤنڈیشن نے راشن پیکج سے بھری درجنوں گاڑیاں یارخون لشٹ کی طرف روانہ کردیا۔
- مضامیندھڑکنوں کی زبان۔۔۔۔۔محمد جاوید حیات۔۔۔۔۔”یوم پاکستان کی تقریبات اور میرے آنسو“۔
- ہومقدرتی ماحول کی حفاظت کیلئے درختوں کی حفاظت کرنا اور پودے لگانا بہت ضروری ہے۔خطیب شاہی مسجد چترال مولانا خلیق الزمان کاکاخیل کا جمعہ کے اجتماع سے خطاب
- ہومڈی پی او لوئر چترال قمر حیات خان نے ٹریفک قوانین سے متعلق اگاہی مہم کے ساتھ ساتھ عملدرآمد کا سلسلہ شروع کیا ہے.
- ہوم21 مارچ 2024 عالمی یوم جنگلات کے حوالے سے ہیڈ کوارٹر چترال سکاؤٹس میں شجرکاری مہم کے حوالے سے تقریب کا انعقاد۔
- ہوموائس چانسلر یونیورسٹی آف چترال پروفیسر ڈاکٹر ظاہر شاہ صاحب کا ٹینیور مکمل ہونے کے موقع پر چترال یونیورسٹی ٹیچرز ایسوسی ایشن (CUTA) کی جانب سے ان کے اعزاز میں الوداعی افطار ڈنر اور تقریب کا انعقاد کیا گیا